Esdras 10:1-44
10 Mientras xolokbal Esdras tu táan u yotoch u jaajil Dios, táan u orar,+ táan u yokʼol yéetel táan u yaʼalik le baʼaloʼob maʼ maʼalobtak ku beetik le kaajoʼ baʼpachtaʼab tumen yaʼab israelitaʼob. Baʼpachtaʼab tumen xiiboʼob, koʼoleloʼob yéetel mejen paalaloʼob, letiʼobeʼ táan kaʼach u sen okʼoloʼob.
2 Ka tsʼoʼokeʼ Sekanías u hijo Jeyel,+ ku taal tiʼ u paalal Elameʼ+ tu yaʼalaj tiʼ Esdras: «Toʼoneʼ tsʼoʼok k-traicionartik Dios úuchik u tsʼoʼokol k-beel yéetel koʼoleloʼob* ku taaloʼob tiʼ le kaajoʼob yanoʼob táanxel luʼumiloʼ,+ kex beyoʼ láayliʼ yaan esperanza tiʼ Israeleʼ.
3 Beoraaʼ koʼoneʼex beetik junpʼéel pacto* yéetel Dios+ tuʼux k-prometertik yaan k-túuxtik tuláakal le koʼoleloʼob tu luʼumoʼob paʼteʼ yéetel u paalaloʼoboʼ, beyoʼ yaan k-beetik baʼax ku yaʼalik Jéeoba bey xan baʼax ku yaʼalik le máaxoʼob ku respetarkoʼob* le baʼax ku yaʼalik Diosoʼ.+ Koʼoneʼex tsʼoʼokbesik le Leyoʼ.
4 Esdras, líiʼkech tumen teech unaj a wilik baʼax unaj u beetaʼal, toʼoneʼ tiaʼanoʼon ta wéeteleʼ. Maʼ a chʼaʼik saajkil, beet baʼax unaj a beetik».
5 Esdras túuneʼ líikʼeʼ ka tu beetaj u jurartaʼal tumen u nuuktakil le sacerdoteʼob, tumen le levitaʼob yéetel tumen tuláakal u kaajil Israel yaan u beetkoʼob le baʼax tsʼoʼok u yaʼalaʼaloʼ,+ letiʼob túuneʼ tu jurartoʼob.
6 Esdraseʼ líikʼeʼ ka lukʼ tu táan u yotoch u jaajil Dioseʼ ka bin teʼ cuarto* u tiaʼal Jeyoanán, u hijo Eliasib. Kex bin teʼeloʼ maʼ jaaniʼ mix tu yukʼaj jaʼiʼ, tumen yaachajaʼan u yóol tu yoʼolal u kʼeban le israelitaʼob tsʼoʼok u suutoʼoboʼ.+
7 Ka tsʼoʼokeʼ tu beetoʼob u máan aʼalbil tiʼ tuláakal u kajnáaliloʼob Judá yéetel Jerusalén ka u muchʼubaʼob tu kaajil Jerusalén tuláakal le israelitaʼob tsʼoʼok u suutoʼoboʼ.
8 Yéetel jeʼex tsʼoʼok u decidirtik le príncipeʼob yéetel u nuuktakil le kaajoʼ jeʼel máaxak maʼ tu muchʼkuba ichil le óoxpʼéel kʼiin aʼalaʼanoʼ yaan u chʼaʼabal tuláakal le baʼaxoʼob yaantiʼoʼ yéetel maʼ kun chaʼabil u pʼáatal ichil le israelitaʼob tsʼoʼok u suutoʼoboʼ.+
9 Le oʼolal tuláakal le xiiboʼob yanoʼob tu tribu Judá yéetel Benjamínoʼ tu muchʼubaʼob Jerusalén ichil le óoxpʼéel kʼiinoʼ, teʼ día 20 tiʼ le mes nueveoʼ.* Tuláakal le kaajoʼ tiʼ kulukbaloʼob kaʼach tu táankabil u yotoch Dioseʼ, táan u kikilankiloʼob tu yoʼolal le asunto táan u yilaʼaloʼ yéetel tu yoʼolal le kʼaʼamkach jaʼ táan u kʼáaxloʼ.
10 Esdras, le sacerdoteoʼ, líikʼeʼ ka tu yaʼalajtiʼob: «Tsʼoʼok a traicionarkeʼex Dios úuchik u tsʼoʼokol a beeleʼex yéetel koʼoleloʼob táanxel luʼumil u taaloʼob,+ yéetel leloʼ tsʼoʼok a beetkeʼex u maas antal u culpa u kaajil Israel.
11 Beoraaʼ aʼaleʼex tiʼ Jéeoba, u Dios a úuchben láakʼtsileʼex, le baʼax maʼ maʼalob tsʼoʼok a beetkeʼexoʼ, yéetel beeteʼex baʼax uts tu tʼaan. Náachkuntabaʼex tiʼ le kaajoʼob yaan way luʼumeʼ bey xan tiʼ le a wataneʼex táanxel luʼumil u taaloʼoboʼ».+
12 Ka tsʼoʼokeʼ tuláakal le máaxoʼob muchʼukbaloʼoboʼ tu kʼaʼam aʼaloʼob: «Unaj k-beetik jach jeʼex a waʼalikoʼ,
13 chéen baʼaleʼ yaʼab máakoʼob yaan wayeʼ yéetel tiaʼanoʼon tu kʼiinil jaʼajaʼaleʼ, le oʼolal maʼ tu páajtal k-pʼáatal táankab, tsʼoʼoleʼ le asuntoaʼ maʼ chéen junpʼéel kʼiin wa kaʼapʼéel kʼiin ken u bisiʼ tumen yaʼab tiʼ toʼoneʼ tsʼoʼok k-kʼebantal.
14 Le oʼolaleʼ beet uts a chaʼik u representartaʼal tuláakal le máaxoʼob muchʼukbaloʼob tumen u príncipeʼoboʼ,+ le kéen tsʼoʼokkeʼ tuláakal le k-éet kaajaloʼob tsʼokaʼan u beeloʼob yéetel koʼoleloʼob táanxel luʼumil u taaloʼoboʼ unaj u taaloʼob teʼ kʼiin kun aʼalbiloʼ, yaan u taaloʼob yéetel u nuuktakil le kaaj tuʼux kajaʼanoʼoboʼ bey xan yéetel le juezoʼoboʼ, hasta k-beetik u xuʼulul u pʼujaʼanil Dios yoʼolal le asuntoaʼ».
15 Chéen baʼaleʼ Jonatán, u hijo Asael, yéetel Jazeya, u hijo Tikváeʼ tu yaʼaloʼob maʼ de acuerdoʼob yéetel le baʼax aʼalaʼaboʼ, tsʼoʼoleʼ apoyartaʼaboʼob tumen Mesulam yéetel Sabetay,+ kaʼatúul levitaʼob.
16 Pero le israelitaʼob tsʼoʼok u suutoʼoboʼ tu beetoʼob le baʼax aʼalaʼaboʼ, ka tsʼoʼokeʼ Esdras le sacerdoteoʼ tu muchʼuba yéetel u nuuktakil le familiaʼoboʼ, tuláakal le máaxoʼob tsʼíibtaʼan u kʼaabaʼoboʼ. Letiʼobeʼ tu muchʼubaʼob tu yáax díail le mes diez* utiaʼal u yilkoʼob baʼax unaj u beetaʼaloʼ.
17 Bey túunoʼ tu yáax díail le yáax mesoʼ tu yiloʼob baʼax kun úuchul yéetel tuláakal le xiiboʼob tsʼokaʼan u beeloʼob yéetel koʼoleloʼob táanxel luʼumil u taaloʼoboʼ.
18 Ka ilaʼabeʼ yaan jujuntúul tiʼ u hijoʼob le sacerdoteʼoboʼ tsʼokaʼan u beeloʼob yéetel koʼoleloʼob táanxel luʼumil u taaloʼob.+ Ichil le jeʼeloʼobaʼ tiaʼan u paalal yéetel u láakʼtsiloʼob Jesúa,+ u hijo Jeozadakiʼ: Maaseya, Eliezer, Jarib yéetel Guedalías.
19 Chéen baʼaleʼ letiʼobeʼ tu prometertoʼob yaan u tojolchʼintik u yatanoʼob. Tsʼoʼoleʼ yoʼolal le baʼax maʼ maʼalob tu beetoʼoboʼ tu yaʼaloʼob yaan u kʼubkoʼob juntúul xibil taman.+
20 Uláakʼ máaxoʼob kʼebanchajoʼobeʼ letiʼe jeʼeloʼobaʼ: ichil u paalal Imereʼ+ tiaʼan Aananí yéetel Zebadías.
21 Ichil u paalal Arimeʼ+ tiaʼan Maaseya, Elías, Semaya, Jeyel yéetel Uzías.
22 Ichil u paalal Pasjureʼ+ tiaʼan Elyoenay, Maaseya, Ismael, Netanel, Jozabad yéetel Eleasá.
23 Ichil le levitaʼoboʼ tiaʼan Jozabad, Simey, Kelaya (uláakʼ bix kʼaj óolaʼanileʼ Kelitá), Petajías, Judá yéetel Eliezer.
24 Ichil le máaxoʼob ku kʼaayoʼoboʼ tiaʼan Eliasibiʼ. Ichil le máaxoʼob ku kananoʼoboʼ tiaʼan Salum, Telem yéetel Urí.
25 Ichil u kaajil Israeleʼ letiʼe jeʼeloʼobaʼ: ichil u paalal Paróseʼ+ tiaʼan Ramías, Izías, Malkiya, Mijamín, Eleazar, Malkiya yéetel Benaya.
26 Ichil u paalal Elameʼ+ tiaʼan Matanías, Zacarías, Jeyel,+ Abdí, Jeremot yéetel Elías.
27 Ichil u paalal Zatúeʼ+ tiaʼan Elyoenay, Eliasib, Matanías, Jeremot, Zabad yéetel Azizá.
28 Ichil u paalal Bebayeʼ+ tiaʼan Jeyoanán, Aananías, Zabay yéetel Atlay.
29 Ichil u paalal Baníeʼ tiaʼan Mesulam, Maluk, Adaya, Jasub, Seal yéetel Jeremot.
30 Ichil u paalal Paat-moabeʼ+ tiaʼan Adná, Kelal, Benaya, Maaseya, Matanías, Bezalel, Binuy yéetel Manasés.
31 Ichil u paalal Arimeʼ+ tiaʼan Eliezer, Isiya, Malkiya,+ Semaya, Ximeón,
32 Benjamín, Maluk yéetel Semarías.
33 Ichil u paalal Asumeʼ+ tiaʼan Matenay, Matataj, Zabad, Elifélet, Jeremay, Manasés yéetel Simey.
34 Ichil u paalal Baníeʼ tiaʼan Maaday, Amram, Wel,
35 Benaya, Bedeya, Keluy,
36 Vanías, Meremot, Eliasib,
37 Matanías, Matenay yéetel Jaasú.
38 Ichil u paalal Binuyeʼ tiaʼan Simey,
39 Selemías, Natán, Adaya,
40 Maknadebay, Sasay, Saray,
41 Azarel, Selemías, Semarías,
42 Salum, Amarías yéetel José.
43 Ichil u paalal Neboeʼ tiaʼan Jeyeel, Matitías, Zabad, Zebiná, Jaday, Joel yéetel Benaya.
44 Tuláakloʼobeʼ tsʼokaʼan u beeloʼob kaʼach yéetel koʼoleloʼob táanxel luʼumil u taaloʼob,+ chéen baʼaleʼ tu tojolchʼintoʼob paʼteʼ yéetel u paalaloʼob.+
Notas
^ Wa «úuchik k-bisik t-otoch koʼoleloʼob».
^ Wa «acuerdo».
^ Wa «ku kikilankiloʼob tu táan».
^ Wa «tuʼux ku yúuchul janal».
^ U kʼaabaʼ le mesaʼ Kislev. Ilawil «Kislev», página 2568.
^ U kʼaabaʼ le mesaʼ Tebet. Ilawil «Tebet», página 2582.
