¿Bix kun tsʼoʼokol le yóokʼol kaabaʼ?
A tuklikeʼ:
-
¿yaan wa u pʼáatal jeʼex yanikaʼ?
-
¿yaan wa u maas kʼastal?
-
¿wa yaan u maʼalobtal?
LE BIBLIAOʼ KU YAʼALIK
«Dioseʼ [...] yaan u choʼik tuláakal u jaʼil u yichoʼob, maʼ tun yantal kíimil, mix okʼol, mix kʼiʼinamil yéetel mix máak kun muʼyaj. Le baʼaloʼob suuk u yúuchul kaʼachoʼ tsʼoʼok u máanoʼob» (Apocalipsis 21:3, 4, Túumben Luʼum).
BIX U YÁANTKECH LELAʼ
Yaan a wilik u yich a meyaj (Isaías 65:21-23).
Yaan u xuʼulul a muʼyaj yéetel a kʼojaʼantal (Isaías 25:8; 33:24).
Mantatsʼ kun antal kiʼimak óolal ichil a familia bey xan yéetel a amigoʼob (Salmo 37:11, 29).
¿JEʼEL WA U PÁAJTAL A CREERTIK BAʼAX KU YAʼALIK LE BIBLIAOʼ?
Jeʼeleʼ, ilawil baʼaxten:
-
Dioseʼ yaan u béeykuntik baʼax u yaʼalmaj. Le Bibliaoʼ ku yaʼalik yoʼolal Dios: «Techeʼ jach táaj yaan a poder» (Apocalipsis 15:3). Letiʼeʼ jeʼel u béeytal u yutskíintik wa u jatsʼutskíintik le yóokʼol kaabaʼ. Le Bibliaoʼ ku yaʼalikeʼ «utiaʼal Dioseʼ tuláakal baʼal jeʼel u páajtaleʼ» (Mateo 19:26).
-
Dioseʼ jach taak u béeykuntik baʼax u yaʼalmaj. Le Bibliaoʼ ku yaʼalikeʼ Jéeobaeʼ jach ku tsʼíiboltik u kaʼa kuxkíintik le máaxoʼob kimenoʼoboʼ (Job 14:14, 15).
Ku yaʼalik xaneʼ Jesús, u Hijo Dioseʼ, tu tsʼakaj kʼojaʼanoʼob. ¿Baʼaxten tu beetaj? Tumen ku tsʼíiboltik u beetik (Marcos 1:40, 41). Le baʼaxoʼob tu beetoʼ tu yeʼeseʼ u Taataeʼ ku tsʼíiboltik u yáantik máak (Juan 5:19).
Yoʼolal lelaʼ jeʼel u páajtal k-creerkeʼ Jéeoba yéetel Jesúseʼ u kʼáatoʼob ka yanaktoʼon junpʼéel jatsʼuts kuxtal (Salmo 72:12-14; 145:16; 2 Pedro 3:9).
TUKULTE
¿Bix ken u maʼalobkíintil Dios le yóokʼol kaabaʼ?
Kaxt u núukil teʼ MATEO 6:9, 10 yéetel DANIEL 2:44.
Maʼ xaaneʼ jeʼel u yutstal xan ta wicheʼ
LE MÁAX KU KANANOʼ
U jaajil yoʼolal baʼax ku taal u kʼiin
Ilawil baʼaxten jeʼel u béeytal a creertik le baʼaxoʼob ken u beet Dios utiaʼal u jatsʼutstal le Luʼumaʼ.
BAʼALOʼOB UNAJ A KANIK
¿Baʼax u Reino Dios?
Ka taal Jesús way Luʼumeʼ maases kaʼansajnaj yoʼolal u Reino Dios. Úuch joʼopʼok u kʼáataʼal ka taalak u Reino Dios.
LE MÁAX KU KANANOʼ
¿Baʼax ken u beet u Reino Dios yoʼolal wíinik?
Jesúseʼ u yojel kaʼacheʼ chéen u Reino Dios jeʼel u yutskíintik le problemaʼob yaan way Luʼumeʼ. ¿Baʼaxten k-ojel jaaj le baʼax tu yaʼaloʼ?
KʼAJ ÓOLTOʼONIʼ
Kʼáat ka kaʼansaʼakech yéetel le Bibliaoʼ
Wa yaan baʼax taak a wojéeltik yoʼolal le Bibliaoʼ kʼáat ka áantaʼakech tumen juntúul u testigo Jéeoba wa kʼáat ka tsʼaʼabaktech xook.
