UTIAʼAL TÁAMKELEM PAALALOʼOB
10. Ilawil u confiar u maasil tiʼ teech
¿BAʼAX TÁAKAʼANIʼ?
Wa a kʼáat ka confiarnak u maasil tiʼ techeʼ kʼaʼabéet a wuʼuyik tʼaan, a cumplirtik baʼax ka waʼalik yéetel a waʼalik mantatsʼ u jaajil.
¿BAʼAXTEN KʼAʼABÉET?
Utiaʼal u chaʼabal a beetik u maasil baʼaloʼobeʼ táanil unaj a weʼesik jeʼel u páajtal u confiar u maasil tiʼ techeʼ.
«Utiaʼal ka confiarnak a papáʼob tiʼ techeʼ unaj a weʼesik kʼanchajaʼan a tuukul yéetel ka chʼaʼik maʼalob decisiónoʼob kex maʼ táan u yilkechoʼobiʼ» (Sarahi).
LE BIBLIAOʼ KU YAʼALIK: «Seguernak a weʼeskeʼex máaxeʼexiʼ» (2 Corintios 13:5).
¿BAʼAX JEʼEL A BEETKEʼ?
Le baʼaxoʼob kun tsolbilaʼ yaan u yáantkech utiaʼal ka confiarnak a papáʼob tiʼ teech.
Aʼal u jaajil. Wa ka tuuseʼ tuláakal máak kun xuʼulul u confiar tiʼ teech. Chéen baʼaleʼ wa suuk a waʼalik u jaajil tak le kéen a beet baʼax maʼ maʼalobeʼ yaan u confiar u maasiloʼob tiʼ teech.
«Chéen chʼaʼabil a waʼalik u jaajil wa ku convenirtech, pero wa ka waʼalik u jaajil kex a wojel yaan u perjudicarkecheʼ yaan a beetik u confiar u maasil tiʼ teech» (Caiman).
LE BIBLIAOʼ KU YAʼALIK: «K-kʼáat k-beet tuláakal baʼal tu nuʼuk» (Hebreos 13:18).
Eʼes responsableech. Tu luʼumil Estados Unidoseʼ ilaʼabeʼ u maas yaʼabil le empresaʼoboʼ ku contratarkoʼob máakoʼob responsableʼob yéetel maʼalob u meyajoʼob. Leloʼ junpʼéel tiʼ le baʼaloʼob maases ku kʼáataʼal tiʼ máak utiaʼal u contratartaʼaloʼ. Wa ka kanik a beetaba responsable desde ta táankelmileʼ jach yaan u yáantkech le kéen nojoch máakchajkech.
«In taataʼobeʼ ku yilkoʼobeʼ kin beetik baʼax ku yaʼalikoʼob sin ke u babal aʼalikoʼobten. Ikil in beetik beyoʼ ku yilkoʼob responsableen yéetel maas ku confiaroʼob tiʼ teen» (Sarah).
LE BIBLIAOʼ KU YAʼALIK: «In wojel jach suuk a beetik baʼax ku yaʼalaʼaltech yéetel in wojel yaan a beetik maas tiʼ le baʼax kin waʼaliktechaʼ» (Filemón 21).
Yanaktech paciencia. Jach séebaʼan u yilaʼal wa tsʼoʼok u kʼexpajal u wíinklil wa máax, chéen baʼaleʼ maʼ chéen chʼaʼabil u yilaʼal wa tsʼoʼok u kʼantal u tuukul máakiʼ.
«Maʼ chéen chʼaʼabil kun káajal u confiar a papáʼob yéetel u maasil máakoʼob tiʼ techiʼ. Chéen baʼaleʼ wa mantatsʼ responsableecheʼ jujunpʼíitil kun joʼopʼol u confiaroʼob tiʼ teech» (Brandon).
LE BIBLIAOʼ KU YAʼALIK: «Búukbesabaʼex [...] yéetel paciencia» (Colosenses 3:12).
Maʼ xaaneʼ jeʼel u yutstal xan ta wicheʼ
DIBUJOʼOB KU PÉEKOʼOB
¿Bix jeʼel a tsikbal yéetel a taataʼobeʼ?
Maʼ xaaneʼ ka wuʼuyik maʼ tu naʼatkech a taataʼob. ¿Baʼax jeʼel u yáantkech utiaʼal a kanik tsikbal tu yéeteloʼobeʼ?
