«Le kéen in wuʼuy jach lubaʼan in wóoleʼ, Jéeobaeʼ ku líiʼsik in wóol yéetel le kʼaayoʼob yaan teʼ JW Broadcastingoʼ» (Lorraine, Estados Unidos).

Le máaxoʼob meyajtik Diosoʼ desde úuchjeakil ku kʼaayoʼob utiaʼal u adorarkoʼob Dios (Col. 3:16). Jach jeʼel u yáantkech a kanik de memoriail le kʼaayoʼob le kʼiin minaʼan a celular, a tablet wa u libroil a kʼaayoʼob. Koʼox ilik jujunpʼéel baʼaloʼob jeʼel u yáantkech utiaʼal a kanik de memoriaileʼ.

• Xok baʼax ku yaʼalik le kʼaayoʼ. Maas chéen chʼaʼabil ken a kʼaʼajsil le kʼaay wa ka naʼatik baʼax u kʼáat u yaʼaloʼ. Tiaʼan jw.org, u letrail tuláakal le kʼaayoʼoboʼ, le utiaʼal le mejen paalaloʼoboʼ bey xan le ku jóokʼol teʼ JW Broadcastingoʼ. Utiaʼal a kaxtikeʼ xeen teʼ jaats «Publicaciónoʼob», tsʼoʼoleʼ ka kaxtik «Paax».

• Tsʼíibt le kʼaay tiʼ junpʼéel juʼunoʼ. Leloʼ yaan u yáantkech utiaʼal a kanik de memoriail (Deu. 17:18).

• Kʼaaynen kʼaʼam. Xok wa kʼay yaʼab u téenel.

• Ilawil wa ta kanaj. Kéen kʼaaynakecheʼ maʼ a wilik u letrasil, leloʼ yaan u yáantkech a wil wa ta kanaj.