Tu jaʼabil 33, Jesuseʼ kíimi, kaʼa kuxkíintaʼabi, ka suunaj teʼ kaʼanoʼ. Ka máan yaʼab jaʼaboʼobeʼ tsʼaʼab u beet u reyil (Daniel 7:13, 14). Maʼ tun xáantaleʼ yaan u káajal u gobernartik le Luʼumaʼ yéetel yaan u xuʼulsik baʼatelil yéetel óotsilil. (Xok Salmo 72:7, 8, 13.)

Jach táaj maʼalob baʼax ken u beet Jesús t-oʼolal. Yéetel le páajtalil tsʼaʼabtiʼ tumen u Taataoʼ yaan u xuʼulsik le kʼebanoʼ. Wíinikeʼ yaan u kuxtal ich kiʼimak óolal way Luʼumeʼ; maʼ kun kaʼa chʼíijil mix kun kíimil. (Xok Juan 5:26-29; 1 Corintoiloʼob 15:25, 26.)

Jesuseʼ táan u nuʼuktik u disipuloʼob utiaʼal u kʼaʼaytajoʼob tuláakal tuʼux. Letiʼobeʼ ku xíimbaltikoʼob máak yéetel ku tsolkoʼob baʼax ku yaʼalik le Biblia yoʼolal u Reino Diosoʼ. Jesuseʼ tu yaʼalaj yaan u yáantik u disipuloʼob, tak ken xuʼulsaʼak u gobiernoiloʼob wíinik tumen u Reino Dios. (Xok Mateo 24:14; 28:19, 20.)

Yéetel u yáantaj le religión ku kaʼansik u jaajiloʼ, Jesuseʼ táan u yáantik máak utiaʼal u kuxtal maas maʼalob. Bey kun seguer u beetkoʼ, tak ken tsʼoʼokok u xuʼulsaʼal le kʼasaʼan yóokʼol kaab utiaʼal tsʼaabil le luʼum u yaʼalmaj Dios u tsʼáaikoʼ. (Xok 2 Pedro 3:7, 13; Apocalipsis 7:17.)