¿Suuk wa a orar? Yaʼab máakeʼ suuk u orar, tak jujuntúul máakoʼob maʼ tu creertikoʼob Dios. ¿Baʼaxten? Ka kʼáataʼab tiʼ u kajnáaliloʼob Franciaeʼ, táanchumuk tiʼ letiʼobeʼ tu yaʼaloʼobeʼ yaan kʼiineʼ ku oraroʼob wa ku búuyuloʼob tuukul «chéen utiaʼal u yuʼubikubaʼob maas maʼalob». Bey u beetik xan yaʼab máakoʼob teʼ Europaoʼ: chéen ku oraroʼob utiaʼal «u chan jetsʼik u yóoloʼob», maʼ utiaʼal u adorartikoʼob Diosiʼ. Yaan máakoʼob xaneʼ chéen ku kʼaʼajsikoʼob Dios ken kʼaʼabéetchajak wa baʼax tiʼob, tsʼoʼoleʼ u kʼáatoʼob ka séeb núukaʼak u oracionoʼob (Isaías 26:16).

¿Kux túun teech? ¿Ka wilik wa le oración chéen bey junpʼéel baʼal ku yáantkech a jetsʼ a tuukuleʼ? Wa ka creertik Dioseʼ, ¿ka wilik wa bix u núukik a oracionoʼob, wa ka tuklik chéen kunel? Le Bibliaoʼ jeʼel u yáantkech a wil le oración bey junpʼéel jatsʼuts siibaleʼ, maʼ chéen utiaʼal a wuʼuyikaba maʼalobiʼ, baʼaxeʼ utiaʼal xan a natsʼkaba tiʼ Dios.