Junpʼéel tiʼ le baʼaxoʼob jach difícil ku aktáantik le táankelmoʼoboʼ letiʼe u divorciarkuba u papáʼoboʼ. ¿Baʼax jeʼel u yáantkech wa tsʼoʼok u divorciarkuba a papáʼobeʼ?

Teʼ xookaʼ yaan k-ilik:

•  Óoxpʼéel baʼal maʼ unaj a beetkiʼ

•  Óoxpʼéel baʼaloʼob maʼalob ka a beete

•  Baʼax ku yaʼalik uláakʼ paalaloʼob

 Óoxpʼéel baʼal maʼ unaj a beetkiʼ

 1. A culparkaba

 Dianaeʼ ku yaʼalik:«Tin tuklaj tiʼ teen anchaj u culpail úuchik u divorciarkuba in papáʼob tumen juntéenjeake’ in maamaeʼ tu yaʼalajteneʼ desde ka síijeneʼ káaj u yantaltiʼ problemas yéetel in papá».

 Maʼ u tuʼubultech: Maʼ a culpa úuchik u divorciarkuba a papáʼobiʼ, mix teech beet u yantaltiʼob problemasiʼ. Le oʼolal maʼ tu páajtal a wutskíintik le problemas ku yantaltiʼoboʼ, letiʼob unaj u yutskíintikoʼob kaʼachi.

 2. A chʼaʼkʼuxtikoʼob

 Riannae’ ku yaʼalik:«Jach pʼuʼujen yéetel in papá tumen tu tusaj in maama yéetel yaanal koʼolel. Maʼ in wojel wa jeʼel u páajtal in kaʼa confiar tiʼeʼ».

 Maʼ u tuʼubultech lelaʼ: Normal a tsʼíikil yéetel a pʼuʼujul yoʼolal baʼax ku yúuchul yéetel a papáʼob. Chéen baʼaleʼ kanáant maʼ a chʼaʼkʼuxtikoʼob tumen le jeʼeloʼ jeʼel u kʼojaʼankúunskecheʼ. A chʼaʼkʼuxtik wa máaxeʼ bey jeʼex ka a wukʼ venenoeʼ tiʼ teech ken u beet loob maʼ tiʼ yaanal máakiʼ. a

 3. A tuklik jeʼel xan u bintech kʼaasil kéen tsʼoʼokok a beeleʼ

 Jessicaeʼ ku yaʼalik:«Jach saajken ka tsʼoʼokok in beel, ka yanak in paalal yéetel ka in divorciartinba jeʼex úuchik u beetik in papáʼoboʼ».

 Maʼ u tuʼubultech lelaʼ: Le úuchik u divorciarkuba a papáʼoboʼ maʼ u kʼáat u yaʼal wa yaan xan a divorciarkaba kéen tsʼoʼokok a beeliʼ, baʼaxeʼ jeʼel u páajtal a kaanbal tiʼ le baʼaxoʼob úuchtiʼoboʼ. Por ejemploeʼ leloʼ jeʼel u yáantkech a wil bix le modos a kʼáat ka yanak tiʼ le máax yéetel kun tsʼoʼokol a beeloʼ. Jeʼel xan u yáantkech utiaʼal a maas jatsʼutskíintik a modos utiaʼal ka a beetaba juntúul maʼalob atantsil wa íichamtsil.

 Óoxpʼéel baʼaloʼob maʼalob ka a beete

 1. Tsikbalt bix a wuʼuyikaba. Le máaxoʼob maʼ tu tsikbaltikoʼob bix u yuʼubikubaʼoboʼ maas séeb u lúubloʼob tiʼ vicioʼob jeʼex le u drogarkubaʼob wa u káaltaloʼoboʼ. Utiaʼal maʼ u yúuchultech leloʼ beet lelaʼ:

 Tsikbalnen yéetel a papáʼob. Wa ka wuʼuyik táan u yoksikechoʼob ichil u problema’obe’ tsoltiʼob bix a wuʼuyikaba. Pero wa maʼ ta kaxtik bix a waʼaliktiʼobeʼ tsʼíibtiʼob tiʼ junpʼéel carta.

 Tsikbalnen yéetel juntúul a amigo. A tsikbaltik tiʼ wa máax bix a wuʼuyikabaeʼ jeʼel u yáantkech utiaʼal ka a wuʼuyaba maas maʼalobeʼ. Le Bibliaoʼ ku yaʼalik «Juntúul jach maʼalob amigoeʼ ku yeʼesik yaabilaj tiʼ tuláakal súutukil, tu kʼiinil táan u muʼyaj máakeʼ letiʼeʼ bey juntúul sukuʼuneʼ» (Proverbios 17:17).

 Orarnen tiʼ Dios. Tsikbalt tiʼ Jéeoba bix a wuʼuyikaba, letiʼeʼ jach u kʼáat u yuʼubech, tumen letiʼe Dios «uʼuyik le oraciónoʼoboʼ» (Salmo 65:2). Tsʼoʼoleʼ jeʼel xan u páajtal a tsikbaltiktiʼ baʼaxoʼob preocuparkecheʼ tumen letiʼeʼ jach taak u yáantkech (1 Pedro 5:7).

•   ¿Máax tiʼ jeʼel u páajtal a tsikbaltik bix a wuʼuyikaba sin ke a pʼuʼujuleʼexeʼ, tiʼ a papá wa tiʼ a maama?

•   ¿Yaan wa juntúul a amigo jeʼel u páajtal a tsikbaltiktiʼ bix a wuʼuyikabaeʼ?

•   ¿Bey baʼaxoʼob jeʼel u páajtal a tsikbaltik tiʼ Jéeobaeʼ?

 2. Aceptart le kʼeexoʼoboʼ

 Maʼ xaaneʼ úuchik u divorciarkuba a papáʼobeʼ yaan u kʼexpajal a kuxtal. Tumen yaan a bin kajtal táanxel najil, a bin xook yaanal escuela yéetel u yantaltech uláakʼ amigoʼob. Leloʼ yaan u beetik a tsʼíikil, a estresar wa u pʼáatal maʼ ta naʼatik baʼax ku yúuchultech. Junpʼéel baʼax jeʼel u yáantkecheʼ letiʼe a aceptartik tsʼoʼok u kʼexpajal a kuxtaloʼ.

•   ¿Baʼax nojoch kʼeexil tsʼoʼok a beetik úuchik u divorciarkuba a papáʼob?

•   ¿Baʼaxoʼob jeʼel a beetik utiaʼal a kʼamik le kʼeexoʼob tsʼoʼok u yantal ichil a kuxtaloʼ?

 3. Ilawil uláakʼ baʼax jeʼel u páajtal a beetkeʼ

 U divorciarkuba a papáʼobeʼ jeʼel u beetik u tsaʼayaltech ansiedadeʼ pero jeʼel xan u yáantkech a wil jeʼel u páajtal a beetik uláakʼ baʼaloʼobeʼ. Maʼ xaaneʼ jeʼel u yáantkech utiaʼal ka yanaktech uláakʼ jatsʼuts modosoʼobeʼ wa a kanik a beet uláakʼ baʼaloʼobeʼ. Jeremyeʼ, 13 años yaantiʼ ka tu divorciartuba u papáʼob, letiʼeʼ ku yaʼalik: «Úuchik u divorciarkuba in papáʼobeʼ tu yáanten in beetinba maas responsableil, como teen u maas nojchileʼ yanchaj in wáantik in maama yéetel in wíitsʼin».

•   Desde ka tu divorciartuba a papáʼobeʼ, ¿baʼax jatsʼuts modos tsʼoʼok u yantaltech yéetel baʼax tsʼoʼok a kanik a beete?

•   ¿Yaan wa tiʼ baʼax a kʼáat mejorar?