Xii nga Reinu stiʼ Dios
Ñee rábiluʼ...
-
... xiixa nuu ndaaniʼ ladxidoʼno ni la?
-
... ti lugar ni nuu guibáʼ ni la?
-
... ti gobiernu ni nuu guibáʼ ni la?
XINÁ BIBLIA
«Dios ni nuu guibáʼ zucuí ti reinu ni qué ziuu dxi guinitilú.» (Daniel 2:44, Traducción del Nuevo Mundo.)
«Tuuxa bidii laanu xiiñiʼ; ne guendaruni mandar ca ziuuni lu xíʼquebe.» (Isaías 9:6.)
XIMODO ZACANÉ NGA LAANU
-
Laani nga ti gobiernu ni zuni ni jneza ne zanda gacaneni cada tobi de laanu (Isaías 48:17, 18).
-
Maʼ cadi candaa, zacané gobiernu ca laanu guibáninu nayecheʼ ndaaniʼ ti guidxilayú cubi, ra qué zaca huaranu (Apocalipsis 21:3, 4).
ÑEE ZANDA GUNI CRENU NI NA BIBLIA LA?
Zanda pue, nuu chupa razón:
-
Jesús bisihuinni xi zuni Reinu stiʼ Dios. Laabe bisiidibe ca xpínnibe guinábacaʼ lu oración sticaʼ gueeda Reinu stiʼ Dios ne gaca ni na Dios lu Guidxilayú (Mateo 6:9, 10). Laaca bisihuínnibe ximodo zaca ni canábanu lu oración ca.
Dxi guyuu Jesús lu Guidxilayú, biyaanabe cani candaana, bisiándabe cani huará ne dede bisibánibe gueʼtuʼ (Mateo 15:29-38; Juan 11:38-44). Cumu laabe ngue chigácabe Rey lu Reinu stiʼ Dios la? bisihuínnibe xi guiráʼ cosa galán zuni Reinu ca pur binni (Apocalipsis 11:15).
-
Modo nabáninu lu Guidxilayú riʼ cusihuínnini mayaca gueeda Reinu stiʼ Dios. Jesús guníʼ ante guedané Reinu stiʼ Dios guendariuudxí lu Guidxilayú riʼ, zaca stale guerra, ziuu guendarindaana ne zaca stale xu roʼ (Mateo 24:3, 7).
Cadúʼyanu guiráʼ ca guendanagana riʼ yanna. Nga runi, zanda guni crenu mayaca guni chaahuiʼ Reinu stiʼ Dios cani.
GUNÍʼ IQUE
Ximodo zabani binni dxi maʼ guni mandar Reinu stiʼ Dios.
Biblia cacabi ni gunabadiidxanu ca lu SALMO 37:29 ne ISAÍAS 65:21-23.
Laaca zándaca ziuuláʼdxiluʼ ca ndiʼ
ESSENTIAL BIBLE TEACHINGS
Xii nga Reinu stiʼ Dios
Ca dxi bicheeche Jesús diidxaʼ, jma guníʼ de Reinu stiʼ Dios que de sti tema. Maʼ stale iza huanabaʼ binni gueeda Reinu ca.
TORRE STIʼ NI RAPA
¿Xi chiguni Reinu stiʼ Dios?
Nanna Jesús Reinu si stiʼ Dios nga zanda guni chaahuiʼ ca guendanagana nuu lu Guidxilayú. ¿Xi huayuni Reinu stiʼ Dios para guni crenu zuni chaahuiʼ ni ca guendanagana ni nuu?
TORRE STIʼ NI RAPA
Reinu stiʼ Dios: ti gobiernu ni zuni ni jneza
Biiyaʼ xhoopaʼ razón ni nápanu para guni crenu zúnini ni jneza.
TU LAADU
Xiñee naquiiñeʼ gúʼndaluʼ Biblia
Cayacané Biblia millón binni nu nuu lu guidubi Guidxilayú para gánnacaʼ de ca cosa risaca huanabadiidxaʼ binni. Ñuulaʼdxuʼ nácaluʼ tobi de laacabe la?
CA NI RUSIIDIʼ BIBLIA
Biiyaʼ ximodo ridúʼndanedu binni Biblia
Gunabaʼ guʼndané tuuxa lii sin quíxeluʼ.
