“Aboro azinga be kpio.”​—Amokedi 24:15, Ziazia Kekeapai, 1978.

Mo rengbe ka gbia wasa ho gamo boro akpi ni.​—2 AKorindo 1:3, 4.

Si nadia gunde be kpio kusayo tiro.​—AEbere 2:15.

Si nasa ro mo du na maabangirise nga mo abi gu gamo aboro abi berewe nakpiki.​—Yoane 5:28, 29.

Ii, ani bingo nduapai biata:

• Mbori nga Bakusi Unga. Baibirii naya tipa Yekova wee ko “nafu unga fu aboro dũ.” (Amokedi 17:24, 25; Atambuahe 36:9) Wa duhe nga ko nafu unga fu ungahe dunduko, ko rengbe arengba ka zingisa agu aboro naima kpi i raki berewe.

• Mbori aima zingisa aboro be kpio mbata kusayo. Baibiri nafura tipa aboro muambe nga aguyo i azingisi yó i ki raki berewe. Aguyo angia agude, aguyo ki ngia kuru aboro, akumba, na adee. Aguyo akpiki i ki zingisi yó be kpio mbata fu si di bakere regbo, ono gu kura ní sa akpi ki mangi aˈuru biama ku murõ yo!​—Yoane 11:39-44.

• Mbori na nyemu ka zingisa aboro be kpio. Yekova ima soga kpio bambiko si nga vurarani. (1 AKorindo 15:26) Ko na “nyemu” ka nyasa riipa gu vurarani re nizingisa ko aboro be kpio. Ko na nyemu ka zingisa agu aboro ko abanda payo berãko yo tipa i raki berewe auru kpotosende ane.​—Eyobo 14:14, 15.