¿Chú láabu rony mandary gudxliogoxreʼ?
¿Naniʼlo que nacbu...
-
... Dios la?
-
... buñgudxlio la?
-
... toib ni diti nánno la?
NI NÁ LA BIBLIA
«Guidopynac gudxliogoxreʼ noʼni ladxña ni nigolú mal.» (1 Juan 5:19, Traducción del Nuevo Mundo.)
«Xiin Dios bieed, par [...] guichílbu xchiin Buñdzab.» (1 Juan 3:8.)
MOD RACNÉNI LOOY
Guienlo pu golainy guirá galnagan ni noʼ ló Gudxliogoxreʼ (Revelación 12:12).
Noʼ razón par guiluladxlo que gudxliogoxreʼ gactzayni (1 Juan 2:17).
¿LABÚU GUILULADXNO NI RASUIDY LA BIBLIA LA?
Scú láani, nigoreʼ nosi guisetlano tzón razón:
-
Xcalmandary Buñdzab mapa mer guinitlóni. Jehová ma goloʼ guic guinitló xcalmandary Buñdzab. Jehová raduidybu xtiitzbu «guinitló [...] Buñdzab» né gonytzaaybu guirá ni ma bixin Buñdzab ló Gudxlio (Hebreos 2:14).
-
Dios ma golú Jesucristo par gony mandary Gudxlio. Jesús natzaaybu diti nacbu xomod Buñdzab ni nac nigolú mal, ni rioʼ ló galrasaʼ por lásibu né rony mandary gudxliogoxreʼ. Dios raduidy xtiitz ximod guibany buñ ló xcalmandary Cristo: «Láabu sonladxbu buñdxo né buñ pobre [...]. Buñ ni noʼ ló galrrioop né ni noʼ ni ronynaa layibu salaabu» (Salmo 72:13, 14).
-
Dios diti rascú. La Biblia nayadit ná: «Dios nagann par guiscú» (Hebreos 6:18). Órni Jehová raduidy xtiitz gony toib cós, napnó confianz que gonybu láani (Isaías 55:10, 11). Né láabu ma biduidybu xtiitzbu que «ni rony mandary gudxliogoxreʼ sioʼ ni sala’k láabu» (Juan 12:31).
GONABDIITZ NDEʼ LOOY
¿Ximod gac Gudxlio reʼ órni Buñdzab ma diti gony mandary loni?
La Biblia racapy galrranabdiitz reʼ ló SALMO 37:10, 11 né REVELACIÓN 21:3, 4.
Sigory láaca sioladxlo ndeʼ
VIDEOS XTUNY LA BIBLIA: GALRRASUIDY NI DITI NAGAN
¿Xigony radudy Dios lagary tzoʼ galrrioʼob?
Xidal buñ ranabdiitz xigony nogoluʼ galrrianladx né galrrioʼob ló Gudxlio. Ló la Biblia radzelno xigony nacni scú, né radudyni esperanza lóono.
DE LÓODO
¿Xigony guisuidyno la Biblia?
La Biblia cayacné a xidalguixo buñ ló guidopynac Gudxlio par guidzelyibu guirá galrranabdiitz ni más rony buñ. ¿Nainy looy gaclo toibtica de layibu la?
DE LÓODO
Gonab ni tzáguen looy
Bisuidy ximod rabexa la Biblia tipnés galrranabdiitz o bisuidy más de testigos xtuny Jehová.
