«Yosban Dios bene ka ba gosat.» (Hechos 24:15, Dižaʼ güen che Xancho Jesucristo, nyojen letr da shchinhe nella.)

Dios chheyuexhenhe chhio kate chhat tu bene chhekechho chie (2 Corintios 1:3, 4).

Bit llebellchho gatchho (Hebreos 2:15).

Shbezchho kate llin lla yezbanhe familh chechho o bene xmigchho ba bsat (Juan 5:28, 29).

Wake, wiachho bixchen:

• Dios bxie yuge den mban. Biblia shnan: «Dios chhue yelamban che yogolol bene, chhue legake bish grasyw nha chhue legake yogo bi da sjanhape» (Hechos 17:24, 25; Salmo 36:9). Shi leʼ bnexjwe yelemban che benach ka che beyixe, wake yezbanhe da yoble bene ba bsat.

• Dios benexjwe yelemban che bene ba bsat. Biblia shnan dek kanhite xonho bene wat —bene byo, nhulhe nha bixkuide— beseinhite da yoble lhau Yellʼlhiu. Bale za beyullte bsate, nha tue ba guk tap lla gute (Juan 11:39-44).

• Dios zelhalle yunexjwe yelenban che bene ba bsat. Jeoba shgeide yelegut lhawe nhaken tu «da bi chhon txen lhen leʼ» (1 Corintios 15:26). Zelhalle du yichj dulhalle yonhiten nha gunhen kate yezbanhe bene ba bsat. Chhaklhalle yeseinhite da yoble lhau Yellʼlhiu yuge bene nbek yichje (Job 14:14, 15).