Siyini Isihluthulelo Sokuba Nomndeni Ojabulayo?
Ucabanga ukuthi . . .
-
uthando?
-
imali?
-
enye into?
OKUSHIWO IBHAYIBHELI
‘Abajabulayo yilabo abezwa izwi likaNkulunkulu baligcine!’—Luka 11:28, IBhayibheli-ImiBhalo Engcwele.
LOKHO OKUNGASE KUKUSHO NGAWE
Ungathola uthando lwangempela.—Efesu 5:28, 29.
Uthole inhlonipho yangempela.—Efesu 5:33.
Ube nokulondeka kwangempela.—Marku 10:6-9.
SINGAKUKHOLELWA NGEMPELA YINI OKUSHIWO IBHAYIBHELI?
Yebo, okungenani ngenxa yezizathu ezimbili:
-
UNkulunkulu unguMsunguli womndeni. IBhayibheli lithi ‘iqanjwe ngoJehova uNkulunkulu yonke imindeni.’ (Efesu 3:14, 15) Ngamanye amazwi, ilungiselelo lomndeni likhona ngenxa yokuthi uJehova walidala. Kungani lokho kubalulekile?
Cabanga ngalokhu: Uma udla ukudla okumnandi futhi ufuna ukwazi ukuthi kufakwe ziphi izithako, ubungabuza bani? Kunengqondo ukuthi ubungabuza umuntu okuphekile.
Ngokufanayo, ukuze sazi izithako zokuphila komndeni okujabulisayo, senza kahle ngokubuza uJehova uMsunguli welungiselelo lomndeni.—Genesise 2:18-24.
-
UNkulunkulu uyanikhathalela. Kuwukuhlakanipha ngemindeni ukufuna iseluleko sikaJehova, asinikeza ngeZwi lakhe. Ngani? “Ngoba uyanikhathalela.” (1 Petru 5:6, 7) UJehova unifunela okungcono kakhulu—futhi iseluleko sakhe sihlale sisebenza!—IzAga 3:5, 6; Isaya 48:17, 18.
CABANGA NGALOKHU
Ungaba kanjani umyeni, umfazi noma umzali okahle?
IBhayibheli liyawuphendula lowo mbuzo encwadini yabase-EFESU 5:1, 2 neyabaseKOLOSE 3:18-21.
Okunye Ongase Ukuthande
PHAPHAMA!
Ukuhlakanipha Okwenza Umndeni Ujabule
Yini abayeni, amakhosikazi, abazali nezingane abangakwenza ukuze benze umndeni wabo ujabule?
IMIBUZO YEBHAYIBHELI IYAPHENDULWA
Ingabe IBhayibheli Lingangisiza Ngibe Nomndeni Ojabulayo?
Izeluleko ezihlakaniphile ezivela eBhayibheli sezisize izigidi zabesilisa nabesifazane ukuba babe nemindeni ejabulayo.
MAYELANA NATHI
Kungani Kufanele Utadishe IBhayibheli?
IBhayibheli linikeza izigidi zabantu kuwo wonke umhlaba izimpendulo zemibuzo ebalulekile ekuphileni. Ingabe ungathanda ukuba omunye wabo?
MAYELANA NATHI
Cela Isifundo SeBhayibheli
Thola izifundo zeBhayibheli ngesikhathi nasendaweni evumelana nawe.
