Ихәарҭоу алабжьарақәа. Аинформациа шыԥшаатәу
Ахәыҷқәа рзы адҵақәа
Анацәеи абацәеи аҭакԥхықәра ду рыдуп — рхәыҷқәа Иегова игәыбылра ддыркыроуп (Еф. 6:4). Анцәа иорганизациа аҭаацәа ирыцхраарц азы астатиақәеи, авидеонҵамҭақәеи, ашәақәеи рацәаны иҭнажьуеит. Ишԥашәылшо шәхәыҷқәа рааӡараҿы урҭ шәхы иашәырхәар?
Асаит jw.org шәҭал. Уаҟа ахәыҷқәеи ахбыџқәеи рзы ирхиоу аматериалқәа зегьы шәыԥшаауеит, авидеонҵамҭақәеи ишәкьыԥхьыр алшо еиуеиԥшым адҵақәеи уахь иналаҵаны a. Урҭ шәыԥшаарц азы аԥшааратә цәаҳәаҿы ианышәҵа ажәа «ахәыҷқәа» мамзаргьы «ахбыџқәа».
Иалшәх шәхәыҷы изы еиҳа еиӷьу. Ихәарҭоу аинформациа шәыԥшаар шәылшоит аҟәша «Дети» аҿы иаагоу «Задания для семейного поклонения» аҟны.
Шәхәыҷы имацара адҵақәа дрыдшәмыртәалалан. Хықәкыс ишәымоу ахәыҷы игәы мҿыӷьларц акәӡам. Шәхәыҷи шәареи адҵақәа еицыҟашәҵала, убас ала Иегова игәыбылра ишәыркла.
a Уажәы апрограмма JW Library® аҿы ахәыҷқәеи ахбыџқәеи рзы авидеонҵамҭақәа зегьы ыҟоуп, иара убас ишәкьыԥхьыр алшо дҵақәакгьы.