Адунеи ахьынӡанаӡааӡо аполитикатә еилаҩынтрақәа ирыхҟьаны ақәымчрақәа рацәахеит, ауаагьы аҭынчра рцәыӡит.

•   2023/24 шықәсазы Мексика алхрақәа ирызкыз акампаниа аан еиуеиԥшым аполитикатә еилаҩынтрақәа ыҟан, убасҟан 39-ҩык акандидатцәа ршьит, арсҟаҩык уаанӡа ахаан ирымшьӡацызт.

•   Европагьы аполитикатә қәымчрақәа рхыԥхьаӡара еизҳауеит. Иаҳҳәап, маи 15, 2024 шықәсазы словакиатәи аԥыза-министр дыршьырц иақәыркит.

•   Еиду Аштатқәа рҿы ииуль 13, 2024 шықәсазы уаанӡа президентс иҟаз Дональд Трамп дыршьырц иақәыркит. Уи ажәабжь атәыла зегь архыџхыџит.

 Избан аполитика иадҳәалоу ақәымчрақәа абас изырацәахаз? Иԥҵәома урҭ рҵыхәтәа? Иаҳәозеи Абиблиа?

 Абиблиа заа иаҳәахьан «аҵыхәтәантәи амшқәа» ҳәа зызҳәоу иахьатәи аамҭазы ауаа агәымбылџьбарареи аҳәоуеиқәымшәареи зхылҿиаауа аҟазшьақәа шаадырԥшло.

•   «Иудыруаз, аҵыхәтәантәи амшқәа раан аамҭа даараӡа ишыцәгьахо. Ауаа... ҭабуп ҳәа рҳәалаӡом, ирзааигәоу ауаа аанрыжьлоит... нышәара зқәым ракәхоит... ргәыжәла цәгьахоит... рҩызцәа рҭилоит, рҳәатәы иадыргалоит, иԥагьахоит» (2 Тимофеи 3:1—4).

 Абиблиа иара убас заа иаҳәахьан ҳаамҭазы аҿагыларақәеи аполитикатә еилаҩынтрақәеи шыҟало (Лука 21:9). Аха уи иара убас ҳақәнаргәыӷуеит ус наӡаӡа ишыҟамзаало.

 Абиблиаҿы иҳәоуп Анцәа ауаатәыҩсатә напхгарақәа рҭыԥан жәҩантәи инапхгара шыҟаиҵо.

•   «Жәҩантәи Анцәа ишьақәиргылоит... аҳра. Уи аҳра... урҭ [егьырҭ] аҳрақәа зегьы ықәнахуеит, насгьы рҵыхәтәа ԥнаҵәоит, ахаҭа наӡаӡа иҟазаауеит» (Даниил 2:44).

 Анцәа Иаҳра ауаа зегь еиднакылоит, насгьы адунеи ахьынӡанаӡааӡо аҭынчра шьақәнаргылоит.

•   Уи напхгаҩыс иамоу Иисус Христос иоуп, иара «Аҭынчра аҭауад» ҳәа изҳәоуп, аҭынчра ахаан ишнымҵәогьы агәра ҳиргоит (Исаиа 9:6, 7).

•   Иахьа уажәнатә уи Аҳра напхгара зызнауа ҭынч аицынхашьа аҵара иаҿуп. Абиблиаҿы иануп: «Ажәларқәа аҳәа шьҭыхны еиҿагылаӡом, уаҳа аибашьышьагьы рҵалаӡом» (Исаиа 2:3, 4).

 Еиҳаны еилышәкаарц азы шәаԥхьа астатиа «Что сделает Царство Бога?», иара убас шәахәаԥш авидеонҵамҭа «Изакәызеи Анцәа Иаҳра?».