Гаити ацәгьоурақәа ҟазҵо агәыԥқәа ахыҵәеит. Аладатәи Африкеи, Мексикеи, Латинатәи Америка иаҵанакуа егьырҭ атәылақәеи рҿы ацәгьоурақәеи, ақәымчрақәеи, арҳәрақәеи рацәахеит. Ацәгьоурақәа уаанӡа аасҭа еиҳа иахьмаҷхаз атәылақәа рҿгьы ауаа ргәы ҭынчӡам, уаҵәы ирыхьуа рыздырӡом.

 Иаҳәозеи Абиблиа адунеи иахыҵәаз ацәгьоурақәа ирызкны?

 Абиблиа иаҳәахьан ацәгьоурақәа «адунеи аҵыхәтәа шааигәахо» узырбо адырга ишахәҭакхо (Матфеи 24:3) Иисус Христос уи адырга аазырԥшуа ахҭысқәа данрыхцәажәоз, ус иҳәеит:

•   «Ацәгьоурақәа ахьырацәахо иахҟьаны, ауаа реиҳараҩык абзиабара рцәыӡуеит» (Матфеи 24:12).

 Абиблиа иара убас иаҳәахьан «аҵыхәтәантәи амшқәа» рзы ауаа «аҽынкылара рцәыӡуеит, ргәыжәла цәгьахоит, абзиара рцәымӷзаауеит» ҳәа (2 Тимофеи 3:1—5). Абас еиԥш иҟоу аҟазшьақәа иахьа иаҳбо ацәгьоурақәа рхылҿиаауеит.

 Аха ҳара абзиара ҟалоит ҳәа агәыӷра ҳамоуп. Абиблиа ҳақәнаргәыӷуеит иаарласны ацәгьоурақәа рҵыхәтәа шыԥҵәо.

•   «Маҷк ауп иаанхаз, нас ацәгьаҟаҵаҩ дықәӡаауеит, иҭыԥ ахь унаԥшыр, дубаӡом. Ауаа ҟәымшәышәқәа адгьыл рҭынхоит, насгьы аҭынчра нагӡа иалагәырӷьалоит» (Аԥсалом 37:10, 11).

 Еиҳаны еилышәкаа Абиблиа иаҳнаҭо агәыӷра аӡбахә, насгьы иахьа иаҳбо ахҭысқәа абиблиатә ԥааимбаражәақәа шынарыгӡо. Уи аҿы абарҭ астатиақәа шәыцхраауеит:

 «Агәыӷра зеиԥшыҟам аԥеиԥш азы»

 «Как определить „последние дни“?»

 «Предсказала ли Библия, какими будут люди в наше время?»