Еиқухарыма ари адунеи?

Иҳаҩсхьоу биԥаракгьы адунеи аҵыхутәа ааира абысҟак иалацәажәо рмаҳацызт. Аӡәырҩы адунеи аҵыхутәа аиадертә хлымӡаах иахылҿиаар ҳәа ишәоит. Егьырҭ ргуаанагарала, адунеи иахьыҟьашьу иахҟьаны иҭахар ауеит. Даҽа џьоукых иргурҩоуп, аекономикатә хаос ажәларқуа еиҿанаргылар ҳәа.

Изалшаҵәҟьома абри адунеи аҵыхутәахьы инеирц? Ааи анакуха, иаанагарызеишь уи? Уаанӡа зныкыр адунеи аҵыхутәахьы инеихьазма?

Дунеик аҵыхутәахьы инеиуеит — даҽакы уи аԥсах’уеит

Ааи, дунеик аҵыхутәахьы инеихьеит. Уахуаԥши Нои ихаан даара ибааԥсхаз адунеи. Абиблиа иҳаилнаркаауеит: «Усҟантәи адунеи ӡыла иқухын». Иара убасгьы Абиблиа иаҳәоит: «[Анцәа] дамеигӡеит раԥхьатәи адунеи, аха амцқьақуа рдунеи аӡы ианаирга, аҵабырг ацҳаражәҳәаҩ Нои иҭаацәеи иареи, зегьы аа-ҩык, еиқуирхеит» (2 Петра 2:5; 3:6).

Уазхуц, уи адунеи аҵыхутәааира иаанагози иаанамгози ртәы. Уи иаанагомызт ауаатәыҩса рзы анҵәара. Нои иҭаацәеи иареи адунеизегьтәи аӡхыҵра иацәынхеит. Еиқухеит убасҵәҟьа аплонета Адгьыли иеҵәаркыу ажәҩан ԥшӡеи. Иҭахаз «амцқьақуа рдунеи», асистема бааԥсы ауп.

Аамҭала, Нои ихылҵшьҭра анеизҳа, даҽа дунеик шьақугылеит. Ари аҩбатәи адунеи, мамзаргьы асистема, иахьанӡагьы иааӡеит. Уи аҭоурых ҭәуп еибашьреи, цәгьоуреи, мчымхареи рыла. Иаԥеиԥшузеи ари адунеи? Еиқухарымашь уи?

Ари адунеи аԥеиԥш

Нои ихаан адунеи шықухыз атәы зҳәо ажәақуа рнаҩс Абиблиа иаҳәоит: «Иахьатәи ажәҩани адгьыли, убри Ажәала  иеиқурхоу, амцазы иҵәахыуп» (2 Петра 3:7). Аиашазы, Абиблиа зыҩуаз руаӡәы ишҳаилиркаауа еиԥшҵәҟьоуп аусқуа шыҟоу: «Ииасуеит [иахьатәи] адунеи» (1 Иоанн 2:17).

Абиблиа иаҳәаӡом, адгьыли иеҵәаркыу ажәҩани ииасуеит ҳәа, урҭ Нои ихаангьы ишмиасыз еиԥшҵәҟьа (Псалом 103:5). Уи акум, мцалоуп ишҭархо ари адунеи, уи «ажәҩани», даҽакала, Аҩсҭаа инапаҵаҟа иҟоу аҳәынҭқарратә напхгаҩцәеи, «адгьыли», мамзаргьы ауаажәларратә еилазаареи (Иоанн 14:30; 2 Коринфянам 4:4). Ари адунеи, мамзаргьы асистема, аӡхыҵра аԥхьа иҟаз адунеи шҭахаз еиԥшҵәҟьа, иҭахоит. Иисус Христос ихаҭагьы ари адунеи аҵыхутәа аламҭалазы иҟалаша азы ҿырԥшык аҳасабала ихы иаирхуеит «Нои ихаантәи» аҭагылазаашьа (Маҭфеи 24:37—39).

Иазгуаҭатәуп, апостолцәа рызҵаара: «Уара уааиреи адунеи асистема аҵыхутәеи ирҷыдаҟазшьоузеи?» аҭакс Иисус Нои ихаантәи амшқуа ирхиҳәааз (Маҭфеи 24:3). Иисус ишьҭанеицәа ирдыруан, ари адунеи аҵыхутәахьы ишнеиуаз. Иаршәама урҭ абри аҩыза аԥеиԥш?

Ҳәарада, мап! Иисус ари адунеи аҵыхутәа аламҭалазы иҟалаша ахҭысқуа данрыхцәажәоз, урҭ ргу шьҭих’уан игурӷьаларц, ‘избанзар иааигуахон дара рхақуиҭра’ (Лука 21:28). Ааи, Аҩсҭаа идунеи бааԥси иареи рҟнытә ахақуиҭра, адунеи ҭынч ҿыц азы! (2 Петра 3:13)

Аха ианбаҟало ари адунеи аҵыхутәа? Закутә «дырга ҷыдоузеи» Иисус «иаареи адунеи асистема аҵыхутәеи» рзы иҳаиҭаз?

«Адырга ҷыда»

Абырзен ажәа паруси́а, «ааира» ҳәа араҟа иеиҭагоу, иаанагоит «аҟазаара». Убри аҟнытә «адырга ҷыда» убаратәы ианыҟало, Христос лассы даараны дыҟоуп акуӡам иаанаго, аха уи дхынҳәхьеит ауп. Уи дҳамбаӡо, жәҩантәи Аԥсҳа  иакуны анапхгара далагеит, иаарласынгьы иаӷацәа дрылгоит ҳәа аанагон (Откровение 12:7—12; Псалом 109:1, 2).

Иисус «дырга ҷыдак» аҳасабала иааимгаӡеит хҭыс заҵәык. Уи дрыхцәажәеит адунеиаҿы ахҭысқуеи аҭагылазаашьақуеи рацәаны. Убарҭ зегьы анымҩаԥысшаз Абиблиа «аҵыхутәантәи амшқуа» ҳәа зыӡбаху аҳәо аамҭазы акун (2 Тимофею 3:1—5; 2 Петра 3:3, 4). Ҳарзааҭгылап моментқуак, Иисус заа ишиҳәахьаз ала, «аҵыхутәантәи амшқуа» ирҷыдаҟазшьахашаз.

«Еиҿагылашт жәлари жәлари, аԥсҳареи аԥсҳареи» (Маҭфеи 24:7). Ҳаамҭазтәи аибашьрақуа еиҳа рымҽхак ҭбаауп, уаанӡатәиқуа раасҭа. Ҭоурыхҭҵааҩык иазгуеиҭеит: «Актәи адунеитә еибашьра (1914 шықусазы иҵысыз) раԥхьатәи „зымҽхак ҭбааз“ еибашьран». Аха аҩбатәи адунеитә еибашьра еиҳагьы иеилаԥыххааган. Уажәгьы аибашьрақуа адгьыл аҭарцәра иаҿуп. Ааи, Иисус иажәақуа драматәла инаӡаҵәҟьеит!

«Иҟалақуашт амлашьреи аԥсрақуеи» (Маҭфеи 24:7). Актәи адунеитә еибашьра инашьҭагылеит аҭоурыхаҿы зегь реиҳа идууз амлашьра. Амлашьра бааԥсы аанагеит, иара убас, аҩбатәи адунеитә еибашьрагьы. Азхарамфаратә рыцҳара адгьыл иқунхо ахубатәи рыхуҭа аҵанак’уеит, есышықуса 14 миллион-ҩык рҟынӡа ахуҷқуа шьуа. Аиашазы, иҟаҵәҟьоуп «амлашьрақуа»!

«Иҟалашт адгьылҵысра дуқуа» (Лука 21:11). 1914 шықуса инаркны адгьылҵысрақуа рымшала есышықуса бжьаратәла уаанӡа аасҭа, жәантә инареиҳаны ауаа ҭахоит. Урыхуаԥш адгьылҵысра дуқуа рахьтә акык-ҩбак рымацара: 1920 ш., Китаи, 200 000 ишьу; 1923 ш., Иапониа, 99 300 цәыӡ; 1939 ш., Ҭырқутәыла, 32 700  ԥсҭбарақуа; 1970 ш., Перу, 66 800 ишьу; убасгьы 1976 ш., Китаи, 240 000 рҟынӡа (даҽа хыҵхырҭақуак рыла, 800 000) цәыӡ. Иҵабыргыҵәҟьаны, «дгьылҵысра дуқуоуп»!

«Иҟалашт... ачымазарақуа» (Лука 21:11, «Иахьатәи аиҭага»). Актәи адунеитә еибашьра анеилга ашьҭахь иаразнак аиспанка иахыԥсааит 21 миллион-ҩык инарзынаԥшуа. Ажурнал «Саиенс даиџьесҭ» («Science Digest») иҟанаҵеит абри еиԥш аҳәамҭа: «Аҭоурых зегь аҿы иҟамлацызт абри аҟара игумбылџьбараны иаразнак иаацәырҟьаз аԥсра». Уинахысгьы агухь-чымазарақуеи, акьыбеи, СПИД-и уҳәа егьырҭ арыцҳарақуеи шә-миллион-ҩыла рыԥсҭазаарақуа ргеит.

‘Азакуандарақуа реизҳара’ (Маҭфеи 24:12). 1914 шықуса раахыс ҳара ҳдунеи ацәгьоурақуеи амчымхарақуеи ирдунеины иааԥшит. Аҭыԥқуа жәпакы рҿы аӡәгьы дымшәа-дымраҳа амҩадуқуа дзырнылом, ҽынла акузаргьы. Уахынла ауаа, адәахьы адәылҵра иацәшәаны, рышәқуа ыҵашәаҳаны рыҩнқуа ирыҩнатәоуп.

Заа иҳәан, аҵыхутәантәи амшқуа раан иҟалаша ахҭысқуа шьардаӡа ишырацәахо, урҭ зегьы убысҵәҟьа анагӡахара иаҿуп. Уи адунеи аҵыхутәа ааигуахароуп иаанаго. Аха, насыԥшәа, иҟалоит уи иацәынхогьы. «Ииасуеит адунеи» ажәақуа рнаҩс Абиблиа  ҳақунаргуӷ’уеит: «Анцәа игуаԥхара назыгӡо дыҟазаауеит наӡаӡа» (1 Иоанн 2:17).

Убри аҟнытә еилаҳкаароуп, Анцәа игуаԥхо, иагьынаҳагӡалароуп уи. Убысҟаноуп ари адунеи аҵыхутәа ҳацәынхарц, Анцәа идунеи ҿыц азылԥхарақуа наӡаӡа ҳрылахузаарц анҳалшо. Абиблиа ҳақунаргуӷ’уеит, усҟан «Анцәа иширыцқьо зегьы рылабжышқуа, аԥсрагьы уажәшьҭа ишыҟамло; аҵәыуареи, аҳәҳәареи, ачымазареи уаҳа ишыҟамло» ала (Откровение 21:3, 4).

[Асахьа иазку аинформациа, адаҟьа 6]

Photo Credits: Airplane: USAF photo. Child: WHO photo by W. Cutting. Earthquake: Y. Ishiyama, Hokkaido University, Japan.