1-тәи аурок

Анцәа ииҭаху шеилкаатәу

Абиблиа крызҵазкуа еилкаарақәас ианузеи? (1)

Дарбан уи автор? (2)

Изаҭахәузеи Абиблиа аҵара? (3)

1. Абиблиа — зыхә ҳараку Анцәа иҳамҭоуп. Уи аб-абзиабаҩ ихшаара ирзиҩыз асалам шәҟәы иеиԥшуп. Абиблиаҿы иаҳәоит Анцәа изку аҵабырг: иара дызусҭоу, иԥҟарақәа зеиԥшроу. Уаҟа иеилаҳкаауеит, ауадаҩрақәа ишыриааитәуи анасыԥ иашаҵәҟьа шыԥшаатәуи. Иара аҟнытә заҵәык ауп излаадыруа Анцәа игәыҟаҵашьа (Ԥсалом 1:1—3; Исаиа 48:17, 18).

2. Абиблиа, 1513 шықәса ҳера ҟалаанӡа инаркны, 1 600 шықәса рыҩнуҵҟа, ирыҩуан иеиуеиԥшымыз 40-ҩыуаак раҟара. Абиблиа шьақәгылоуп 66 шәҟәы-хәыҷқәа рыла. Уи зыҩуаз Анцәа имч рыцын. Урҭ рхатәы акәымкәа, иара ихәыцрақәа ракәын ианырҵоз. Убри аҟнытә Абиблиа автор — ауаҩы иакәым, аха ажәҩанаҿы инхо Анцәа иоуп (2 Тимофеи иахь 3:16, 17; 2 Пиотр 1:20, 21).

3. Анцәа деиҷаҳаит, Абиблиа еилфаҷа ихырҩылааларц, насгьы уи еиқәхарц. Абиблиақәа хыԥхьаӡарала убысҟак ирацәаны икьыԥхьуп, урҭ тиражла ирыцназго даҽа шәҟәык ыҟаӡам. Зегьы ргәы иаахәарым, Абиблиа аҵара уахьаҿу, аха аӡәгьы илумыршан дуԥырхагахарц. Аҿагыларақәа хьаас имкыкәа, Анцәа иеилкаареи уи игәаԥхара анагӡареи, — наӡаӡатәи уԥеиԥш иазҳәоуп (Маҭфеи 5:10—12; Иоанн 17:3).