2-тәи аурок

Дызусҭада Анцәа?

Дызусҭада Анцәа иашаҵәҟьа, насгьы уи хьӡыс имоузеи? (1, 2)

Уи цәеижьс имоузеи? (3)

Изеиԥшроузеи зегь реиҳа ихадоу иҟазшьа аҷыдарақәа? (4)

Иахәҭоума уи имҵахырхәараҿы асахьақәеи асимволқәеи рхархәара? (5)

Ишԥалшо ҩ-знеишьак рыла Анцәа идырра? (6)

1. Ауаа зымҵахырхәо рацәоуп. Аха Абиблиаҿы иаҳәоит, Анцәа ИАШАҴӘҞЬА дшаӡәыку. Иара ишеит дгьыли-жәҩани рҿы иҟоу зегьы. Уи аԥсҭазаара анҳаиҭа, Иара Аӡәы заҵәык иоуп ҳзымҵахырхәалаша (1 Коринфаа рахь 8:5, 6; Аартра 4:11).

2. Анцәа ититулқәа рацәоуп, аха хьӡы заҵәык ауп имоу. Анцәа ихьӡуп ИЕГОВА. Абиблиа аиҭагақәа реиҳарак рҟны Анцәа ихьӡ анырхит, иагьырԥсахит атитулқәа Иҳақәиҭуи Анцәеи рыла. Аха Абиблиа аоригинал аҿы ахьӡ «Иегова» уԥылон 7 000-нтә раҟара! (Ақәҵымҭа 3:14; Осиа 12:5).

3. Иегова ацәеижь имоуп, аха уи ҳара ҳтәы иеиԥшым. «Анцәа Ддоуҳауп»,— аҳәоит Абиблиа (Иоанн 4:24). Адоуҳа — ари ҳаԥсҭазаара аасҭа акырӡа иҳараку аԥсҭазаара иаформоуп. Ауаа рахьтә аӡәгьы  Анцәа ахаан димбацт. Иегова дынхоит ажәҩанаҿы, аха зегьы ибарҭоуп (Ԥсалом 10:4, 5; Иоанн 1:18). Аха изакәузеи иԥшьоу адоуҳа? Ари хаҭарам, Анцәа иеиԥш. Ари аус зуа Анцәа имч ауп (Ԥсалом 103:30).

4. Абиблиаҿы ицәырҵуеит Иегова ихаҭара. Иаарԥшуп ихадоу иҟазшьа аҷыдарақәа — абзиабара, аиашара, аҟәышра, амч (Ҩынтәзакәан 32:4; Иов 12:13; Исаиа 40:26; 1 Иоанн 4:8). Абиблиаҿы, иара убас, иаҳәоит, Анцәа дшыгәшаҭоу, дшыразу, агха анажьра дшазхиоу, дышгәыҭбаау, акыр шичҳауа. Ҳара, аҳәатәы хазҵо ахәыҷқәа реиԥш, ҳҽазыҳшәалароуп уи иҿыԥшра (Ефесаа рахь 5:1, 2).

5. Иҳахәҭоумашь, Анцәа ҳимҵахырхәауа, апатреҭқәеи, асахьақәеи, асимволқәеи ҳрымҵаныҳәаларц? Мап! (Ақәҵымҭа 20:4, 5). Иегова иҳаиҳәоит, ҳара иара заҵәык ҳашимҵахырхәалаша. Уи аӡәгьы ма акгьы ихьӡыԥша рыцеиҩишарц дыҟаӡам. Асахьақәа ҳара иҳацхрааратәы амч рымаӡам (Ԥсалом 113:12—16; Исаиа 42:8).

6. Ишԥалшо иҵегь иеиӷьны Анцәа идырра? Уи азнеишьақәа ируакуп иара ирҿиаз зегьы неизакны рыхәаԥшреи, дара иҳарҳәо иҵауланы азхәыцреи. Анцәа ишамҭақәа иаҳдырбоит, уи амч дуӡӡеи аҟәышреи шилоу. Иишаз зегьы ирнубаалоит ибзиабара (Ԥсалом 18:2—7; Римаа рахь 1:20). Анцәа иеилкаара аҩбатәи азнеишьа — Абиблиа аҵароуп. Убри аҟнытә ауп еиҳа ирацәаны иахьиҳәо, иара дзакәытә Нцәоу атәы. Уаҟа уи убасеиԥш иаҳирдыруеит игәҭакы атәы, насгьы ҳара ҳҟнытә ииҭаху (Амос 3:7; 2 Тимофеи иахь 3:16, 17).

[Асахьақәа, адаҟьа 5]

Ҳара Анцәа дызусҭоу еилаҳкаауеит, уи иишази Абиблиеи ирыбзоураны.