Анцәа иқәихуеит иҽеим адунеи

18 Адам иоуит ахылҵшьҭра рацәа. Урҭгьы убасҵәҟьа даараӡа ибааԥсқәахеит. Анцәа иӡбеит урҭ рықәхра (Аҟазаара 6:1, 5, 7).

19 Аха дыҟан Нои захьӡыз уаҩ-қьиак (Аҟазаара 6:8, 9).

Анцәа Иегова уи иеиҳәеит, даараӡа идуу аӷба иргыларц, ауаа-цәгьақәа анықәихуа аамҭазы, иҭаацәеи иареи рхы еиқәдырхарц ахьрылшашаз. Ари аӷба чаԥашьала аиашьыкь ду угәаланаршәон. Уи аковчег ҳәа ахьыӡҵан (Аҟазаара 6:13, 14).

 20 Урҭ аковчег ахь аԥстәқәа рацәаны инаргеит (Аҟазаара 6:19—21).

21 Иегова даараӡа ақәа ӷәӷәаны илаишьҭит. Ауаа-цәгьақәа зегьы ҭахеит. Аковчег аҩнуҵҟа иҟаз еиқәырхан. Иудыруама, уи зыхҟьаз? (Аҟазаара 6:17; 7:11, 12, 21; 1 Пиотр 3:10—12).