Анцәа уиҳәаны ибзианы уҽазыҟаҵа. Уиҳәала Анцәа ухы акәымкәа, иуҳәо ажәабжь азхәыцра дуцхраарц азы. Иуҳәарц иуҭаху еилыкка иудыруазар ауп. Ухатә ажәақәа рыла уцәажәала, апубликациақәа ирну ҿырҳәала иҵаны акәымкәа.

Гәыкала уцәажәала. Уазхәыц узацәажәо иуҳәо раҳар зрыхәҭоу. Дара урызхәыцла. Усҟан угылашьеи, ухаҿсахьеи, ухымҩаԥгашьеи аԥхарра рныԥшлоит.

Иузыӡырҩуа урыхәаԥшла. Шәҭыԥ аҿы ус иаԥызар, аӡырҩцәа рлакҭа уҭаԥшла. Ажәахә уманы уқәгылозар, зегь зныкала рыхәаԥшра аҭыԥан, еиӷьуп зны аӡәы илакҭа уҭаԥшыр, нас даҽаӡәы.