АУРОК 05
Абиблиа — Анцәа исаламшәҟәы ауп
Иегова зеиԥшыҟам аҳамҭа ҳаиҭеит — 66 шәҟәы рыла ишьақәгылоу Абиблиа. Аха иҟалап шәхәыцуазар: иабантәаанагеи Абиблиа? Дызусҭада уи автор? Ари аурок аҿы арҭ азҵаарақәа рҭак шәоуеит.
1. Абиблиа автор Анцәа злаиакәзеи, уи ауаа ирҩызар?
Абиблиа 1 600 шықәса рыҩныҵҟа 40-ҩык раҟара ауаа ирыҩуан (1513 шықәса ҳ. ҟ. инаркны 98 шықәса ҳ. ҳ. аҟынӡа). Уи зыҩуаз ауаа еиԥшӡамызт, урҭ иреиуан ахьчацәа, аԥсыӡкыҩцәа, аҳцәа, аха ирҩыз зегь еиқәшәоит, избанзар Абиблиа автор Анцәа иоуп. (Шәаԥхьа 1 Фессалоникаа 2:13.) Ауаа ирыҩуаз дара рхәыцрақәа ракәӡамызт. Урҭ «иԥшьоу адоуҳа ишрыҵанаҳәоз еиԥш ауп Анцәа иажәақәа шырҳәоз» a (2 Пиотр 1:21). Анцәа иԥшьоу идоуҳа ацхыраарала ауаа ихәыцрақәа рҩыртә иҟаиҵеит (2 Тимофеи 3:16).
2. Изылшода Абиблиа аԥхьара?
Адгьыл иқәынхо дарбанызаалакгьы, дызмилаҭзаалакгьы, Абиблиа иану ажәабжь бзиа аилкааразы алшара имоуп. (Шәаԥхьа Аатра 14:6.) Анцәа ицхыраарала Абиблиа бызшәа рацәала еиҭагоуп. Убри аҟынтә уи даҽа шәҟәык иузадкылом. Дарбанызаалак ауаҩы, дахьынхозаалакгьы, иарбан бызшәоу дызлацәажәозаалакгьы, Абиблиа аԥхьара алшара имоуп ҳәа ҳҳәар ҳалшоит.
3. Иҟаиҵазеи Иегова, Абиблиа иахьа уажәраанӡа иаанхарц азы?
Абиблиа рыҩуан ацәеи апапируси реиԥш иҟаз, уиаҟара анҵыра змамыз аматериалқәа рҿы. Аха Абиблиа бзиа избоз ауаа ианыз шаныз ихырҩылаауан. Аамҭак ашьҭахь урҭ ахҩылаақәа еиҭах ихырҩылаауан. Амчра змаз ауаа Абиблиа ақәгара ишашьҭазгьы, иҟан зыԥсҭазаара ашәарҭара иҭаргыланы, Абиблиа аиқәырхара иашьҭаз. Иегова дҳацәажәалар иҭахуп, убри аҟынтә уи ак аԥырхагахар ма аӡә даԥырхагахар имуӡеит. Абиблиаҿы иануп: «Ҳанцәа иажәа наӡаӡа иҟазаауеит» (Исаиа 40:8).
ЕИҲАНЫ ЕИЛЫШӘКАА
Еилышәкаа Анцәа Абиблиа зыҩуаз анапхгара шриҭоз, уи шихьчаз, насгьы ауаа зегь аԥхьаларц алшара шроуз.
4. Абиблиа ахаҭа иаҳәоит уи авторс иамоу дызусҭоу
Шәахәаԥш АВИДЕОНҴАМҬА. Анаҩс шәаԥхьа 2 Тимофеи 3:16, нас азҵаарақәа рҭак ҟашәҵа.
-
Абиблиа зыҩуаз ауаа ракәзар, избан уи Анцәа Иажәа ауп ҳәа зазҳәоу?
-
Агәра ҳгар ҳалшома Анцәа Абиблиа зыҩуаз ауаа ихәыцрақәа риҭар шилшоз?
Асаламшәҟәы амаӡаныҟәгаҩ ишиҩуагьы, уи авторс иамоу ажәақәа зҳәо иоуп. Абиблиа ауаа ирыҩуан, аха ианырҵоз Анцәа иреиҳәоз акәын
5. Абиблиа иахҭнагаз рацәоуп
Абиблиа — Анцәа иҳаиҭаз шәҟәуп, ус анакәха, иара уи еснагь ихьчалоит. Аҭоурых иаҳнарбоит амчра змаз ауаа Абиблиа ақәгара ишашьҭаз. Адиннапхгаҩцәа ирҭахӡамызт ауаа Абиблиа иаԥхьаларц, уа иану еилыркааларц. Аха аӡәырҩы ауаа аҿагыларақәа ишрықәшәозгьы, рыԥсҭазаара ашәарҭара иҭаргыланы Абиблиа рыхьчон. Шәааи урҭ иреиуаз аӡәы иӡбахә еилаҳкаап. Шәахәаԥш АВИДЕОНҴАМҬА, нас азҵаарақәа рҭак ҟашәҵа:
-
Абиблиа еиқәдырхарц азы шаҟа аџьабаа рбаз анеилышәкаа, ишәҭаххама уи шәаԥхьарц? Избан?
Шәаԥхьа Аԥсалом 119:97, нас азҵаара аҭак ҟашәҵа:
-
Ргәазҭазҵози аӡәырҩы рыԥсҭазаара ашәарҭара иҭаргыланы Абиблиа аиҭагареи уи ауаа рыларҵәареи?
6. Ауаа зегьы рзы ашәҟәы
Абиблиа зегь реиҳа ауаа ирыларҵәоу шәҟәуп. Иҟаӡам даҽа шәҟәык абриаҟара бызшәа рацәала еиҭагоу. Шәаԥхьа Аусқәа 10:34, 35, нас азҵаарақәа рҭак ҟашәҵа:
-
Избан Анцәа изиҭаху Иажәа бызшәа рацәала еиҭагазарц?
-
Иарбан Абиблиа иазку факту еиҳараӡак ишәгәаԥхо?
Адгьыл иқәынхо
100%
раҟара ауаа
еилыркаауа абызшәала Абиблиа иаԥхьалар рылшоит
Абиблиа еиҭагоуп
3 000
бызшәа инареиҳаны рыла
(ишеибгоу ма хәҭа-хәҭала)
5 000 000 000
Абиблиа абриаҟара екземплиар ҭыжьуп ҳәа ҳҳәар ҳалшоит.
Уи аҿы ари ашәҟәы даҽа шәҟәык иузадкылом
ШЬОУКЫ ИРҲӘОИТ: «Абиблиа — ауаа ирҩыз иажәхьоу шәҟәуп».
-
Шәара шәгәы ишԥаанаго?
-
Ишьақәзырӷәӷәозеи Абиблиа Анцәа Иажәа шакәу?
ИХАДОУ АЗХӘЫЦРА
Абиблиа Анцәа Иажәа ауп. Иара ауаа зегьы алшара риҭеит уи иаԥхьаларц.
Аиҭахысра
-
Избан иаҳҳәар зҳалшо Абиблиа Анцәа Иажәа ауп ҳәа, уи ауаа ишырҩызгьы?
-
Иџьоушьартә изыҟоузеи Абиблиа иазку аҭоурых, иара убас уи шаҟа бызшәа рацәала еиҭагоу, насгьы хыԥхьаӡарала шаҟа ирацәоу?
-
Уажәшьҭа шәара еилышәкааит Анцәа дшәацәажәаларц азы шаҟа аџьабаа ибаз. Шәгәы зызҭанаҵозеи уи?
ИҴЕГЬ ШӘАХӘАԤШ
Абиблиа аҭоурых: ажәытәтәи аикәарҳәқәа инадыркны иахьатәи аиҭагақәа рҟынӡа.
Еилышәкаа Абиблиа ықәыргар, насгьы иану рыԥсахыр шырҭахызгьы, уи ҳаамҭанӡа ишааз.
«Библия. Как она дошла до наших дней» («Ахьчаратә бааш» № 4, 2016, аурыс)
Еилышәкаа Абиблиа еиҭаргарц азы ауаа рыԥсҭазаара ашәарҭара ишҭадыргылоз.
Абиблиа ахҩылаақәа рацәаны иҟаҵан, насгьы уи бызшәа рацәала еиҭаган. Избан, нас, агәра ганы ҳаҟазар зҳалшо уи иану аоригинал аҿы ианыз ишақәшәо?
«Иҟоума абиблиатә текст аҿы аԥсахрақәа ма аицакрақәа?» (авеб-статиа)
a 7-тәи аурок аҿы еилаҳкаауеит иԥшьоу адоуҳа — Анцәа ихы иаирхәо амч шакәу.
