Иегова иҭахуп аҭаацәарақәа зегьы анасыԥ рымазарц (Аԥс 127:3—5; Ек 9:9; 11:9). Аха ари адунеи аҿы ҳзықәшәо астресси ҳҭаацәара иатәу рыгхақәеи агәырӷьара ҳацәдырӡлар алшоит. Иҟаҳҵалар ҳалшозеи доусу ҳҭаацәараҿы агәырӷьара ыҟазарц азы?

Ахаҵа ихатә ҩыза пату лықәиҵоит (1Пт 3:7). Аамҭа лзалихуеит. Иара лара лҟынтә амцхә дазыԥшӡам, насгьы иареи рҭаацәара иахәҭаку егьырҭи рзы илбо аџьабаа ахә ҳаракны ишьоит (Кл 3:15). Иара бзиа дшибо леиҳәоит, дагьирҽхәоит (Ажәм 31:28, 31).

Аԥҳәыс еснагь лыԥшәма ицхраара дазхиоуп (Ажәм 31:12). Лара иҳәатәы дацныҟәоит, дицхраауеит, насгьы игәаанагара дазҵаауеит (Кл 3:18). Лара лыԥшәма дхааӡа диацәажәоит, егьырҭ ианраҳауагьы иӡбахә бзианы илҳәоит (Ажәм 31:26).

Аҭаацәа рхәыҷқәа аамҭа рзалырхуеит (Ҩнтә 6:6, 7). Дара рхәыҷқәа бзиа ишырбо рарҳәоит (Мф 3:17). Ахәыҷқәа рааӡараҿы дара абзиабареи аилкаареи аадырԥшуеит (Еф 6:4).

Ахәыҷқәа рҭаацәа пату рықәырҵоит, насгьы рҳәатәы харҵоит (Ажәм 23:22). Дара рхәыцрақәеи рцәаныррақәеи рҭаацәа ирзеиҭарҳәоит. Ахәыҷқәа рҭаацәа ирабжьырго иазыӡырҩуеит, насгьы рҳәатәы иқәныҟәоит (Ажәм 19:20).

УАХӘАԤШ АВИДЕОНҴАМҬА «ШӘҬААЦӘАРАҾЫ АГӘЫРӶЬАРА ШӘЫМАЗ!», АНАҨС ҴАҞА ИААГОУ АЗҴААРА АҬАК ҞАҴА:

• Иҟаиҵалар илшозеи доусу аҭаацәараҿы агәырӷьара ыҟазарц азы?