Amem m’erọl ghan ni dị nạ alhoghoma inyaam imạ amem mọ nạ amoọgh ghan bọ r’awe phọ aJihova—ituughạ ookpomoghan dị elhọgh nyinạ ephophe, ookpomoghan eephugh dị atir nyinạ, iyaạr dị memite ghan epẹ oḍighi erugh phọ dị edụgh esi anạ, obobọ imạ oghaaphạn dị nạ amoọgh r’oniin onyọ oḅaramạ omeeraam mọ? Nạ ko/wulha aJihova, anianiạ odị nyinạ ko/wulha kẹn ni. Odị raatughiạn ghan ni r’aḍiḅeeraạn rukumuan phọ nạ makumuanaan ghan bọ nyodị r’eten dị ekpẹ oḍuom olhoghi. Kụ odị amoọgh ni eephuạ olhoghonaạn anạ ḍighaạgh oḅula esi odị.

“Mị raloor amị kawạ ni iyool phọ amị,” iduọn kụ idị aJihova aḅẹm,” kụ mị kamaạr ri apogh bidị. Mị kapogh ni iyool phọ amị idiphọ okoriom dị mamiịn iyool odị dị ewalhalhạ kụ rangọ bidị eḍien. Mị kawạ ni bidị amiịn oomo arikpisi phọ bidị owalhalhạ bọ oghị.”—Ezekiel 34:11, 12.