ITUUGHẠ 10
Onmeeghi Eḍọgh
Proverbs 8:4, 7
OGHAẠPH OOKARAGH: Ghoogholhomhi oghaạph ph’anạ aḅarạm matir, esi onmeeghi ghan eḍọgh, omiteom esi lọ ewạ, ḅilhẹ r’oogboronhom esi lọ ewạ.
IPẸ NẠ KAḌIGHI BỌ:
-
Nmeeghi ghan eḍọgh. Kiọm ghan anyụ eḍọgh anạ mem lọ nạ ramạ ephigh iyaạr r’amem lọ nạ rawạ oomhanhamhi abuphẹ ronaghạn bọ. Ḍighi ni iginha phọ mem lọ nạ rabạl esi aBaibul dị ephạm ooruẹn. Kome mem lọ nạ rakaạph iyaạr dị rogon omhiịn, raraạr oḍigh aḍiigu obobọ ilọ iiḅaghamhị.
-
Nmeeghi ghan eghaaphọm. Miteom ghan ni eḍọgh anạ eḍighi maạr lọ nạ rawạ oḍeenhaan aḍibụgh, ḍidoọny obobọ ḍikẹl iyaạr. Ḅilhẹ asoore eḍọgh anạ oḍeenhaan adọl okururu obobọ ooḅaghamhiạn aloor.
-
Mem lọ ewạ oogborion r’amem lọ i/wạ. Gboogboronhom ghan mem lọ nạ rakaạph iyaạr oḅaạl olhoghi. Kụ amhiigha ghan loor mem lọ nạ rakaạph ephigh iyaạr.
