ITUUGHẠ 18
Tughemhị Ni We Phọ Iyaạr
1 Korịnt 9:19-23
OGHAẠPH OOKARAGH: Ngọ oghaạph phọ eten dị ketir ḍiitughiạn awe phọ, obọ bidị olhoghoma mọ bidị otuughạ ni iyaạr.
IPẸ NẠ KAḌIGHI BỌ:
-
Lọgh elhegh raraạr dị buphẹ ronaghạn bọ olhegheri ni. Kparipẹ r’owọph idị awe phọ olhegheri bịn oghaạph, lọgh ḍighaạgh bidị otuughạ emhoom iyaạr siphẹ oghaạph phọ.
-
Waaghị ghan raraạr aḅilhẹ agbirima. Lọ edugh ni, pọ ḅarạm ni riphigh dị awe phọ u”kạr ulegheri obobọ raraạr dị purukụ emiteghu omheremhị ikpanhạ araraạr phọ. Kuolọ zuumaam ni aphogh mughumọ ariphigh ph’anạ eḅọph ni r’oghaạph phọ.
-
Ḍeenhaan ipẹ koḍighinhom bọ. Maạr agbạ aagholhomhi riisi aBaibul dị keloghonhaạn ḍighaạgh dọl aghuḍum abuphẹ ronaghạn bọ. Kaaphọm ni iniin asidọl, raagharạ, r’iḍighinhom araraạr dị keloghonhaạn ḍighaạgh buphẹ ronaghạn bọ.
