Waaghị ghan raraạr riisi dị ekpeanhaạn. Kpasị ghan oghaạph ph’anạ siphẹ Ekpo-onhụ phọ Enaạn, edugh pọ bạl okạr ipẹ ogẹ bọ. Eḍighi maạr lọ nạ rakaạph riphigh ilọ aSayẹns, idị emiteghu, reḍeenhaan, obobọ inhọn ariphigh dị kelọgh ḍighaạgh, pọ maạr amhiịn mọ ekpẹ ni oḍuomolhoghi ḅilhẹ mughumọ onhaghạn aḍughụm mọ ko/nmia.

Maạr aḍighinhom ipẹ nạ awaaghị bọ. Gbạ riisi aBaibul eten dị eḅọph r’inhọn ariisi aBaibul, kụ eḅilhẹ eḅọph r’arinyạ phọ “ebenẹ phọ alhegheri bọ maạr kụ akpẹ bọ oḍuom ologhi phọ” amiteom bọ. (Mat. 24:45) Eḍighi maạr lọ nạ rawạ oḍighinhom iinhaghạn abunhọn awe, pọ ka/nme ipẹ oye phọ akạr bọ aghaạph ḅilhẹ r’iitughiạn opọ agẹ bọ.

Gbiran ghan riphigh phọ r’abuphẹ nạ ratughemị bọ. Nạ aạl esi aBaibul obobọ aghaạph aghol iinhaghạn dị nạ asighẹ esi, sighẹ magheel kụ apuruom ḍipuru obobọ asighẹ iyaạr atomaạm iyaạr olhoghonhaạn aḍighaạgh buphẹ ronaghạn bọ omhiịn ariphigh phọ r’aloor.