ESI ITUUGHẠ PHỌ 06
Aghuḍum Amite Ika?
Enhaạn ‘kụ alhẹm oomo araraạr.’ (Ogananami 4:11) Nạ ameeraam ni? Abuniin awe rootughiạn ghan mọ oye kụ o/lhẹm ghuḍum. Eḍighi idiphọ, pọ aghuḍum mọ ayira o/mhoọgh emhụ. Kuolọ eḍighi maạr dị aZihova Enhaạn phọ kụ ulhẹm ni iyira, pọ odị atụ ni iyaạr kụ ulhẹm bọ iyira. a Ooḅeghiọn ipẹ aBaibul phọ aghaạph bọ ilọ ipẹ aghuḍum amite bọ r’ariphigh dị edi otuạn omheeraam ipẹ phọ.
1. Aḅirinhi phọ amite ika?
ABaibul phọ aḅẹm mọ: “Emhiighom mọ, Enhaạn ilhẹm ni kẹ phọ r’ade phọ.” (Genesis 1:1) Ibadị abuọ asayẹns omeeraam ni mọ ulhẹm ni de phọ. Enhaạn alhẹm ika de phọ? Odị asighẹ “uwaloor iigbia phọ odị”—kụ alhemọm torobọ iyaạr dị edi siẹn aḅirinhi phọ, eḅaramaạm ni siagbạ araanhaạn phọ, rughede r’ade phọ.—Genesis 1:2.
2. Enhaạn atụ eeghe kụ alhẹm bọ de phọ?
AZihova “o/lhẹm de phọ dị ketọl idiphọ bịn, kuolọ alhẹm dị awe kotugh.” (Isaiah 45:18) Odị aseere siẹn ade phọ torobọ iyaạr dị oye awạ, orolhọm k’agee-pọ. (Ibạl Isaiah 40:28; 42:5.) Asayẹns oḅẹm ni mọ ade phọ egbatanhaạn ni. Ade phọ kụ esi dị oye katue atọl r’ighuḍum.
3. Eeghe kụ igbatạn bọ we esi inhạm?
AZihova alhẹm bọ de phọ amhạn, odị alhẹm ni ghuḍum aseere siẹn ade phọ. Odị aphụr alhẹm ireeny r’inhạm aseere siẹn ade phọ. Ipẹ reten, kụ “Enhaạn alhẹm oye aghighimaạm loor phọ odị.” (Ibạl Genesis 1:27.) Kuolọ eeghe kụ ikạr bọ eḍighi idị awe ogbatanhaạn bọ r’inhạm? Odị alẹm alọgh loor ayira imạ araagharạ, idiphọ ephomhoghiạn r’elhiom ooruẹn. Yira kotue ni otuughạ onhọn onhụ, opoghoghom imạ araraạr, oḅilhẹ okelhọm suọr. Awe bịn kụ kotue ooseeny Olemhiạ phọ abidị.
OLHEGHERI OBUGHẸ
Ooḅeghiọn riphigh dị eḍeenhaan mọ ulhẹm ni ghuḍum, r’ipẹ eḍighi bọ kụ ipẹ aBaibul phọ aghaạph bọ ilọ olhẹm mọ ekpẹ bọ ni omheeraam. Ḅilhẹ r’araraạr dị araagharạ awe itughemhị iyira ilọ Enhaạn.
4. Ulhẹm ni ghuḍum
Rosẹph ghan ni we dị ophogh olhẹm mọ kụ olhẹm aani enhọn iyaạr. Kuolọ anhiạn kụ kasighẹ ḍisẹph olhẹm mọ opọ ophogh bọ kụ olhẹm aani bọ enhọn iyaạr? Ipegh VIDIO phọ, kụ eeḅeghiọn ḍipuru phọ edaphạn bọ siẹn.
-
Oghẹn olhẹm kụ edị awe mophogh olhẹm aani iyaạr?
Otu o/lo ghan dị oye ku/lọgh. Kuolọ anhiạn kụ amakạ bọ olhẹm mọ ukitonhom bọ iyira? Ibạl Hibru 3:4, kụ eeḅeghiọn sipuru phọ iphẹn:
-
Oghẹn olhẹm kụ aḍigh ḍiigu esi anạ?
-
Eḍighi ni osụ-olhoghi omheeraam mọ ulhẹm ni aḅirinhi phọ r’atorobọ iyaạr dị edi ḍughụm? Eeghe kụ iḍighi?
Nạ alegheri ni?
Nạ katue ni amiịn rinyạ r’asividio dị eghaạph ilọ iphẹn phọ siphẹ jw.org eeḍiạn emhuoghaạph phọ “Ulhẹm Ni?” ḅilhẹ r’edị eḅẹm mọ “Idị Awe Oghaạph Ilọ Ipẹ Aghuḍum Amite Bọ.”
“Otu o/lo ghan dị oye ku/lọgh. Kuolọ Enaạn phọ kụ ilemọgh bọ oomo araraạr phọ”
5. Igey ariphigh edi ni otuạn omheeraam ipẹ aBaibul phọ aghaạph bọ ilọ olhẹm mọ
Siphẹ Genesis emhụ phọ 1, aBaibul phọ akaạph ni ipẹ ade phọ r’aghuḍum emite bọ. Ipẹ phọ ikạr ri emite obobọ eḍighi sidum okpẹ? Ipegh VIDIO phọ, kụ eeḅeghiọn sipuru phọ edaphạn bọ siẹn.
-
ABaibul phọ atughemhị mọ ulhẹm de phọ r’aghuḍum mọ odi bọ esi odiiny aḍughul otu bịn?
-
Nạ ragbi mọ ipẹ aBaibul phọ aghaạph bọ ilọ olhẹm mọ eḍeenhaan ni osụ-olhoghi eḅilhẹ ekpẹ omheeraam? Eeghe kụ iḍighi?
Ibạl Genesis 1:1, kụ eeḅeghiọn ḍipuru phọ aḍiẹn:
-
Asayẹns oḅẹm mọ ade phọ emoọgh ni emhiighom. Ika kụ idị ipẹ bidị oghaạph bọ eḅọph r’iphẹn purukụ aạl bọ siẹn aBaibul phọ?
Abuniin awe rookia ni mughumọ Enhaạn alhẹm iniin ibạm araraạr dị eḍuạ pạ kụ eten ghan inhọn. Ibạl Genesis 1:21, 25, 27, kụ eeḅeghiọn sipuru phọ iphẹn:
-
ABaibul phọ atughemhị ni mọ Enhaạn alhẹm iniin araraạr dị eḍuạ siphẹ kụ eten ghan ina, inhạm r’awe ḍughụm? Obobọ odị kụ alhẹm ghan ni torobọ iyaạr dị emhoọgh ghuḍum?
6. Awe oḍighi olhẹm Enhaạn dị agbatanhaạn
Yira ogbatanhaạn ni r’inhạm mọ aZihova alhẹm bọ. Ibạl Genesis 1:26, kụ eeḅeghiọn ḍipuru phọ aḍiẹn:
-
Enhaạn ulhẹm iyira akighimaạm loor, kụ yira omoọgh imạ araagharạ idiphọ ephomhoghiạn r’onmạ ighirigiir. Iphẹn phọ eḍeenhaan mọ Enhaạn amoọgh ighẹn araagharạ?
ABUNIIN AWE OOTUGHIẠN MỌ: “Ipẹ aBaibul phọ aghaạph bọ ilọ olhẹm mọ eḍighi oopho asidum.”
-
Nạ aatughiạn aani ika? Kụ eeghe kụ iḍighi?
OGHAẠPH OOKARAGH
AZihova kụ alhẹm aḅirinhi phọ r’aghuḍum.
Ooḅula
-
ABaibul phọ akaạph eeghe ilọ ipẹ aḅirinhi phọ amite bọ?
-
Iḍighi idị Enhaạn alhẹm iniin araraạr kụ ipẹ phọ eḍuạ siphẹ eten ina, inhạm r’awe ḍughụm, obobọ odị kụ alhẹm torobọ iyaạr?
-
Eeghe kụ iḍighi bọ iyaạr dị awe ogbatanhaạn?
WAAGHỊ AMHIỊN
Miịn iniin olhẹm mọ dị eḍeenhaan mọ olemhiạ odi ni.
Miịn idị odẹ katue agbạ ipẹ aBaibul phọ aghaạph bọ ilọ olhẹm mọ aḅenhị obạm oọny odị.
Ḅeeḅeghiọn aphogh mughumọ aBaibul phọ r’itughemhị oḍuạ iyaạr kụ oten iyaạr phọ eḅọph ni.
“Enhaạn Aḍighi Idị Iniin Araraạr Eten Ghan Inhọn Orue Olhẹm Aghuḍum Ḍughụm?” (Edi intanẹt)
Waaghị amhiịn mughumọ igbaany iḅararạ r’araraạr dị abuọ asayẹns owaaghị ophogh emeeraam ni mọ aghuḍum agạ bịn amite obobọ ulhẹm ni.
a Esi ituughạ phọ 25 keeḅeghiọn rigbiom mọ Enhaạn ilọ awe.
