AZihova rawạ ni mọ kuamhị alhegheri nyodị. Uḍighi ika? Loor esi dị iduọn olhegheri iyaạr phọ anạ ilọ aroozọ phọ odị, reten phọ odị ḅilhẹ r’arigbiom mọ odị rebụgh bọ, kụ edị nạ kawạ okuamhị okparamhị asiya phọ anạ r’odị. Nạ katue ni aḍighi oyaghirị Enhaạn? (Ibạl Psalm 25:14.) Nạ kaḍighi eeghe orue oḍighi oyaghirị Enhaạn? ABaibul phọ angọ ni ophanyanhaạn asipuru phọ iphẹn phọ kụ aḅilhẹ aḍeenhaan iyaạr phọ eḍighi bọ kụ oḍighi oyaghirị Enhaạn enhighẹ bọ epelheghiom.

1. AZihova ramhạgh nyinhạ oḍighi eeghe?

“Iḍuraan etumhan Enhaạn, odị kaḍuraan aani ni itumhan inyinha.” (Jems 4:8) Iphẹn phọ remạ ghan eeghe? AZihova ramhạgh ghan nyinhạ oḍighi oyaghirị odị. Ekparanhaạn ni ibadị omheeraam mọ bidị kotue ni oḍighi righirị Enhaạn phọ bidị k”omhiịn ghan bọ. Kuolọ, dị eego esi Ekpo-onhụ phọ odị aBaibul phọ, aZihova agananamhi ni odọ oye phọ odị aru bọ pidị yira oḍuraan otumhan nyodị. Mem dị yira aạl dom mọ Enhaạn siphẹ aBaibul phọ, asiya phọ ayira r’odị kekuamhị ghan bịn ekpạr ghalhamọ r’iduọn yira k”omhiịn ghan bọ nyodị.

2. Uḍighi ika kụ oḍigh arighirị r’aZihova enhighẹ bọ epelheghiom?

AZihova kụ aphomhoghiạn nyinhạ apu torobọ oye. Odị rawạ mọ moọgh oḅaạl olhoghi kụ awạ ghan olhoghonhaạn aḍighaạgh odị torobọ amem. Nạ katue ni “anyaariọm nyodị oomo phọ iiḅaghamhị phọ anạ, idị eḍighi bọ raako ni nyinhạ.” (1 Pita 5:7) AZihova anyaaghiạn ni obakị, oodereghị kụ oḅilhẹ olher arurụ ongọ arighirị odị.—Ibạl Psalm 94:18, 19.

3. AZihova rawạ mọ ḍighi eeghe orue oḍighi oyaghirị odị?

AZihova o/lhọgh oye ḍien, “kuolọ odị raḍigh ghan righirị r’awe aruukuan.” (Proverbs 3:32) AZihova rawạ mọ arighirị odị okparaghạ ghan oḍighi ipẹ eḅeeraạn bọ nyodị, kụ oghel ipẹ odị aghel bọ. Ibadị ologhoma mọ bunọ ko/tue oḍighi oomo ipẹ aZihova rawạ bọ. Kuolọ aZihova anaghanhạn ni. Odị asighẹ ni torobọ oye dị akạr aphomhoghiạn nyodị kụ rakparaghạ ghan oḍighi oomo ilọ odị katue, oḍighi ipẹ eḅeeraạn bọ nyodị.—Psalm 147:11; Iiḍighi 10:34, 35.

 OLHEGHERI OBUGHẸ

4. Ebraham aḍighi oyaghirị aZihova

Ipẹ aBaibul phọ aghaạph bọ ilọ Ebraham (oghol bọ kẹn mọ Ebram) ilhoghonhaạn iyira ḍighaạgh olhegheri iyaạr dị oḍighi oyaghirị Enhaạn remạ ghan. Olhegheri ilọ Ebraham, ibạl Genesis 12:1-4. Kụ eeḅeghiọn sipuru phọ iphẹn:

• AZihova aḅenhị Ebraham oḍighi eeghe?

• AZihova aguanhaan eeghe nyodị?

• Ebraham aḍighi eeghe?

5. Iyaạr dị aZihova rawạ ḍighaạgh arighirị odị

Yira rowạ ghan ni dị arighirị ayira kuḍighinhaan iyira iniin araraạr.

• Ighẹn araraạr kụ edị nạ kawạ mọ oyaghirị anạ aḍighinhaan nyinhạ?

Ibạl 1 Jọn 5:3, kụ eeḅeghiọn ḍipuru phọ aḍiẹn:

• AZihova rawạ ghan eeghe esi arighirị odị?

Orue oḍighi ipẹ eḅeeraạn bọ aZihova, eeni kewạ ni mọ onmeeghi roozọ ayira. Ibạl Isaiah 48:17, 18, kụ eeḅeghiọn ḍipuru phọ aḍiẹn:

• Uḍighi ika kụ aZihova rawạ bọ mọ arighirị odị onmeeghi raraạr siphẹ aghuḍum mọ abidị?

 6. Araraạr dị aZihova raḍighinhaan ghan righirị odị

 OGHAẠPH OOKARAGH

AZihova rawạ ni oḍighi Oyaghirị anạ, kụ kalhoghonhaạn ni nyinhạ ḍighaạgh oḍuraan otumhan odị.

Ooḅula

• Ika kụ idị aZihova raloghonhaạn ghan ḍighaạgh righirị odị?

• Uḍighi ika kụ aZihova rawạ bọ mọ arighirị odị onmeeghi raraạr siphẹ aghuḍum mọ abidị?

• Nạ aatughiạn mọ ekpạr ri oḍighi oyaghirị aZihova ḍughụm? Eeghe kụ iḍighi?