Aḍuugh rekọm ghan okururu r’otọ. Pọ kụ iyaạr phọ aBaibul phọ aghol bọ mọ onyọ amulhọgh ḍien. (1 Korịnt 15:26) Siphẹ esi ituughạ phọ 27, yira utuughạ mọ aZihova kasiemhi ni eekunha onyọ amulhọgh ḍien phọ ophọn phọ. Kuolọ eeghe kụ kemitenhaan oomo abuphẹ momhuughu bọ? Siẹn esi ituughạ phọ ephẹn phọ, yira kotuughạ ilọ onhọn ookiạ oguanhaan aZihova—oguan oḅerion ariisi eelạ awe ongọ aghuḍum. Buẹn phọ kokelhọm ghuḍum k’agee-pọ! Iphẹn phọ kekạr ri emite? Kongọ bidị ghuḍum mọ epẹ k’akẹ obobọ isiẹn ade phọ?

1. AZihova rawạ oḍighinhaan eeghe buọ ephomhoghiạn phọ ayira momhuughu bọ?

AZihova amoọgh ni eephuạ oḅilhẹ ongọ aghuḍum buphẹ momhuughu bọ. Oye omheeraam dị oghol mọ aJob akuphom ni owol mọ ghalhamọ onọ amhugh ni, Enhaạn ka/bulha nyinọ. Odị aḅenhị Enhaạn mọ: “Nạ kamạgh ni, kụ mị amegheron [siphẹ oḍi phọ].”—Ibạl Job 14:13-15.

2. Eeghe kụ iḍighi kụ yira komeeraam bọ mọ koḅerion ni buphẹ momhuughu bọ?

AZizọs arọl bọ siẹn ade phọ, Enhaạn angọ ni nyodị iikpọ oḅerionhom awe. AZizọs aḅeton ni onyanhị 12 asiạ r’oọny ekpukelhe anhịr. (Mạk 5:41, 42; Luk 7:12-15) Ipẹ reten, aLazarọs oyaghirị aZizọs amhugh ni. Kụ ghalhamọ r’iduọn moḍi bọ ni Lazarọs esi inya aḍughul otu, aZizọs aḅeton ni nyodị. AZizọs rooḅereghị Enhaạn, kụ aphogh pakirị phọ epẹ oḍi phọ odi bọ kụ alọ aghiọm anyụ mọ: “Lazarọs, tue amite!” Kụ “opọ mamugh bọ ni aru amite” r’ighuḍum! (Jọn 11:43, 44) Gbiom olhoghi odọ oḅaạl olhoghi dị eghunotu r’arighirị aLazarọs omhoọgh!

3. Oghẹn oḍuomolhoghi kụ odianhaan buọ ephomhoghiạn phọ anạ momhuughu bọ?

ABaibul phọ aguan mọ: ‘Oḅetenhu esi aḍuugh’ katọl li. (Iiḍighi 24:15) Abuẹn aZizọs aḅerion ghan bọ u/keel ghan k’akẹ. (Jọn 3:13) Bidị uḅaạl li olhoghi oḅilhẹ omhoọgh aghuḍum siẹn ade phọ. Iginha phọ kẹn ni, moọny amem aZizọs kaḅerion ni riisi eelạ awe oghelhọm aghuḍum k’agee-pọ de aparadaịs. Odị aḅẹm mọ koḅerion ni “buphẹ odi bọ pạ iiḍi phọ”—ghalhamọ r’abuphẹ awe mowulha bọ, kuolọ odi bọ ni iitughiạn Enhaạn.—Jọn 5:28, 29.

 OLHEGHERI OBUGHẸ

4. AZizọs aḍighi ni aḍeenhaan m’onọ katue ni aḅerion buphẹ momhuughu bọ

Otuughạ obughẹ ipẹ aZizọs aḍighinhaan bọ Lazarọs oyaghirị phọ odị. Ibạl Jọn 11:14, 38-44, kụ eeḅeghiọn sipuru phọ iphẹn:

• Yira ulhegheri ika mọ aLazarọs akạr ri amhugh?—Miịn ekpịgh phọ 39.

• Eru maạr dị aLazarọs aghị ni k’akẹ, nạ ragbi mọ aZizọs muḅulhemhi ni nyodị siẹn ade phọ ḍughụm?

Ipegh VIDIO phọ.

5. Koḅerion ni ḍita awe!

Ibạl Psalm 37:29, kụ eeḅeghiọn ḍipuru phọ aḍiẹn:

• Ariisi eelạ awe phọ abuẹn koḅerion bọ kotọl eghẹn?

Ibadị awe phọ aZizọs kaḅerion bọ koḍighi budị uu/ḅereghị aani ghan aZihova. Ibạl Iiḍighi 24:15, kụ eeḅeghiọn ḍipuru phọ aḍiẹn:

• Nạ rawạ omhiịn anhiạn mem lọ oḅerion we?

• Ika kụ idị oḍuomolhoghi oḅetenhu esi aḍuugh phọ angọ odẹ r’onhiin aPhelicity iidereghị r’okparạm?

 OGHAẠPH OOKARAGH

ABaibul phọ aguanhaan mọ koḅerion ni riisi eelạ awe dị momhuughu. AZihova rawạ mọ bidị oḅilhẹ ni omhoọgh ghuḍum, kụ odị mangọ Zizọs iikpọ oḅerion abidị.

Ooḅula

• AZihova r’aZizọs ologhoma ika ilọ oḅerion abuphẹ momhuughu bọ?

• Ariisi eelạ awe phọ koḅerion bọ kotọl eghẹn—epẹ k’akẹ obobọ isiẹn ade phọ? Uḍighi ika kụ nạ aḅẹm bọ iduọn phọ?

• Uḍighi ika kụ nạ akuphom bọ ni owol mọ abuọ ephomhoghiạn anạ dị momhuughu koḅilhẹ ni otọl?