APAKIRỊ 3
Aghuḍum Arọl ghan Ika Siphẹ Paradaịs Phọ?
AJihova angọ ni Adạm r’Iv ibadị araraạr dị enighẹ. Genesis 1:28
AJihova alhẹm oḅẹl anhịr-ephoph phọ, Iv, kụ angọ nyodị Adạm mọ aḍighi anịr odị.—Genesis 2:21, 22.
AJihova alhemọm bidị iloghi r’asiloor dị eseleman, dị esi i/pịgh.
Amarugh aParadaịs phọ abidị aḍighi oghoony phọ Iden—esi eboom enighẹ dị emoọgh ophiịny r’ireeny iimuma ḅilẹ r’inhạm.
AJihova aḅaanaạn ghan ni bidị; odị atughemị ghan bidị. Mọ abidị unaghanạn ni nyodị, bidị mutọl li k’agee-pọ dọl aParadaịs siẹn ade phọ.
Enaạn aḅẹm mọ bidị ku/le nyoniin siphẹ ireeny phọ. Genesis 2:16, 17
Oniin siphẹ aruukpaạny phọ agbagharạn ni Enaạn. Okarạph ookpaạny phọ opọ phọ pọ aSetan Eru phọ.
AJihova aḍeenaan Adạm r’Iv oniin oreeny iimuma siphẹ oghoony phọ kụ aḅenị bidị mọ eḍighi maạr dị bidị olhe eemuma isiphẹ phọ, bidị komugh ni.
ASetan o/wạ mọ Adạm r’Iv onaghanạn aJihova. Kụ odị asighẹ ekarạph-iyaạr ku aḅeniọm Iv mọ eḍighi maạr dị odị alhe eemuma oreeny phọ opọ phọ, odị ka/mugh, kuolọ mọ odị kakịgh Enaạn. Dị iikia i/lo, ipẹ phọ iḍighi ni okpẹ.—Genesis 3:1-5.
