APAKIRỊ 8
Aḍuugh phọ AJizọs Emạ Eeghe Esi Anạ?
AJizọs amugh pidị yira omoọgh ghuḍum. Jọn 3:16
Iraạr aḍughul otu reten mem mọ aJizọs amugh bọ, abuniin anmariịr oghị ophogh oḍi phọ ku omiịn mọ mapokoro. AJihova maḅeton Jizọs esi aḍuugh phọ.
Onyebeel roten aJizọs amitenaan ni butelhedom mọ odị.
Ii, aJihova maḅeton Jizọs angọ ghuḍum idiphọ olhẹm aruwaloor dị amoọgh iikpọ dị ka/tue amugh. Abumatuạn phọ aJizọs umiịn ni nyodị dị rakeel anyụ akẹ.
Enaạn aḅeton ni Jizọs adaamị nyodị idiphọ Uw-emạ Omạr phọ k’Enaạn. Daniel 7:13, 14
AJizọs angọ ghuḍum mọ odị okpeọm iikpiạ otagharanạm omạr awe. (Matiu 20:28) Dị eego esi iikpiạ otagharanạm mọ ipẹ phọ, Enaạn maḍighi idị edugh dị yira kotọl k’agee-pọ.
AJihova amạ Jizọs idiphọ Uw-emạ odạ ophogh ade phọ. 144,000 awe dị okpẹ oḍuom ologhi dị koḅerion siẹn ade phọ ongọ ghuḍum epẹ k’akẹ kụ kotọl r’odị. AJizọs r’144,000 phọ koḍighi itooghị elhiom eḍighinom iyaạr epẹ k’akẹ—Omạr phọ k’Enaạn.—Ogananami 14:1-3.
Omạr phọ Enaạn kaḍighi de phọ paradaịs. Eghạm, osoroghu iilogh, ekulom, ḅilẹ r’okoọny ke/tọl ghan mun. Awe komoọgh okạr oḅaạlologhi. —Psalm 145:16.
Eeni Keḅeraạn Kẹn Ni Nyinhạ
ESSENTIAL BIBLE TEACHINGS
AZizọs Atụ Eeghe Kụ Amhugh Bọ?
Eeni nạ manhaghạn ghan ni mọ odị atuạn ikarạph ayira kụ amhugh. Kuolọ ekiạ oniin oye bịn ketue ni engọ suọ irubal awe ḍughụm?
AMEMORIAL
Tuutughiạn Ḍuugh Phọ aJizọs
Yoor romhạgh ni nyinhạ r’eenyuụm oḍighan aani ayoor ophạm eḍigheeny phọ ephẹn emhạn bọ ni maạr iboom. Nạ katuughạ ni alegheri idị adọl aghuḍum mọ aZizọs r’idị aḍuugh phọ odị ketue engọ nyinhạ suọ.
