OḌIGHI AWE BUMATUẠN
ESI ITUUGHẠ PHỌ 11
Edugh Onhaghanhạn
Aḍinhị-olhogh: “Nyina eghaạph oghaạph phọ anyina onọn onhụ dị u/naghạn, oye kalegheri bọ ika emụ ipẹ nyina rekaạph bọ?”—1 Kọr. 14:9.
Idị AZizọs Aḍighi
1. Pogh VIDIO phọ, obobọ bạl Matiu 6:25-27. Kụ aaḅeghiọn sipuru phọ edaphạn bọ siẹn:
Ipẹ AZizọs Aḍighi Bọ Itughemhị Iyira Eeghe?
2. Mem dị yira otughemhị ghan eten dị edugh onhaghanhạn, awe kootughiạn ni ipẹ yira otughemhị bọ, kụ itughemhị phọ eḅilhẹ etir rokpom abidị.
Tuughaạny Zizọs
3. Ka/kaaphọgh iboom araraạr. Kparipẹ roghaạph oomo idị nạ alhegheri ilọ emhuoghaạph dị nyinha retuughạ, gbon ipẹ edi bọ siphẹ aḍinyạ phọ. Mem dị nạ apuru ḍipuru, kparạm akori opọ nạ ratughemhị bọ aphagharanhaạn. Eḍighi maạr dị odị u/legheri ophagharanhaạn phọ obobọ aghaạph iyaạr dị egbạgh ipẹ aBaibul phọ aghaạph bọ, pọ puru inhọn asipuru dị keloghonhaạn nyodị ḍighaạgh onhaghanhạn ipẹ aBaibul phọ atughemhị bọ. Opọ nạ ratughemhị bọ ronhaghanhạn ekpanhạ iyaạr phọ, pọ ikiọm ghisigh.
4. Loghonhaạn ḍighaạgh opọ nạ ratughemhị bọ onhaghanhạn imhoom araraạr esi oḍighinhom araraạr dị odị malhegheri ni. Esi omaạm, mem dị nyinha rewạ omhiigh esi ituughạ dị eghaạph ilọ oḅetenhu esi aḍuugh phọ, nạ atue ni aḅilhẹ aaḅulha enụm raraạr dị nyinha metuughạ ilọ adọl abuphẹ momhuughu bọ.
5. Miigha loor kụ aḍighinhom oghaạph omaanhiọm. Tutụ nạ kaḍighinhom oghaạph omaanhiọm, puruan loor mọ:
-
(3) ‘Keloghonhaạn ni ḍighaạgh opọ mị ratughemhị bọ ootughiạn ekpanhạ iyaạr ituughạ phọ, kparipẹ roghaạph omaanhiọm mọ bịn?’