Idị AZizọs Aḍighi

Ipẹ AZizọs Aḍighi Bọ Itughemhị Iyira Eeghe?

2. Ewạ ni mọ oḍeenhaan ghan ephomhoghiạn, kuolọ ewạ kẹn ni mọ oḅenhị opọ yira rotughemhị bọ raraạr dị ewạ mọ odị aḍighi orue okparamhị asiya phọ odị r’aZihova.

 Tuughaạny Zizọs

3. Loghonhaạn ḍighaạgh opọ nạ ratughemhị bọ ophighi kụ oḅilhẹ oteẹny asiigbu phọ odị.

1.   (1) Sighẹ ghan aḍighinhom gạ phọ “Aḍiigbu” edi bọ torobọ esi ituughạ aḍinyạ phọ Kelhọm Ghuḍum K’agee-pọ!

2.  (2) Loghonhaạn ḍighaạgh opọ nạ ratughemhị bọ olhegheri araraạr dị odị kaḍighi kụ kanuụn ateẹny siigbu dị ke/sighẹ mem oteẹny r’idị kesighẹ mem oteẹny.

3.  (3) Gbor ghan ni asẹph nyopọ nạ ratughemhị bọ esi oghị aghisigh phọ odị.

4. Lọgh ni elhegh raraạr dị rekikima opọ nạ ratughemhị ghan bọ ophoph oghị aghisigh, kụ alhoghonhaạn nyodị ḍighaạgh okpạr opu.

1.   (1) Puruan loor mọ:

   • ‘Eḍighi maạr dị opọ mị ratughemhị bọ ra/sianhaan oḍiiny amuụm, eeghe kụ rekikima nyodị?’

   • ‘Mị kaḍighi eeghe olhoghonhaạn odị ḍighaạgh?’

2.  (2) Ḅeeḅereghị alhọm akpọ oḅio oghaaphọm r’eten ephomhoghiạn raraạr dị ewạ dị opọ nạ ratughemhị bọ kaḍighi.

5. Bilhẹ otuughạ r’oye dị ra/poph kaghị ghisigh.

1.   (1) Orue olhegheri mọ itughemhị aBaibul phọ rekị ni ghisigh pọ puruan loor mọ:

   • ‘Opọ mị ratughemhị bọ rasighẹ ni kaḍighinhom ipẹ odị ratuughạ bọ ḍughụm?’

   • ‘Odị ratu ghan ni ituughạ ḅilhẹ rakaạph ghan ni igey phọ kaḅenhị aani bunhọn ḍughụm?’

   • ‘Eḍighi maạr dị ituughạ phọ odị mebia ni, rawạ ni oḍighi aani onyọ Ogbaanhaạn aZihova ḍughụm?’

2.  (2) Eḍighi maạr dị opọ nạ ratughemhị bọ u/wạ ophoph oghị aghisigh:

   • Ḅenhị ni mọ odị aatughiạn iyaạr phọ resophoghom bọ nyodị ophoph oghị aghisigh.

   • Miigha loor kụ aghaạph iyaạr phọ eḍighi bọ kụ nạ rawạ bọ mọ ituughạ phọ esi eekunha.

   • Ḅenhị ni nyodị raraạr dị ewạ dị odị kaḍighi kụ nạ aḅilhẹ amiigh otughemhị odị.