OḄILHẸ GHAN OḄULA
ESI ITUUGHẠ PHỌ 7
Nyinhạ Ki/phẹr
Aḍinhị-olhogh: ‘Bidị u/soph ghan ḍio otughemhị r’oghaạph ghan iiḅi iinhaghạn phọ.’—Iiḍ. 5:42.
Idị APọl Aḍighi
1. Pogh VIDIO phọ, obobọ bạl Iiḍighi 19:8-10. Kụ aaḅeghiọn sipuru phọ edaphạn bọ siẹn:
Ipẹ APọl Aḍighi Bọ Itughemhị Iyira Eeghe?
2. Ewạ ni mọ yira olhọgh mem r’inyaạm ookolhobian ghan oḅilhẹ oḅula r’omhiigh itughemhị aBaibul dị emhoon.
Tuughaạny Pọl
3. Kookolhobian ni oḅula ophogh oye phọ mem dị eḅeraạn nyodị. Puruan loor mọ: ‘Pụr amem r’iḍighen esi kụ edị odị kawạ mọ mị uḅula upogh nyodị? Pụr amem kụ edị keḅeraạn nyodị oghaaphạn r’amhị?’ Kookolhobian ni oḅula ophogh odị ghalhamọ amem mọ odị aghol bọ i/ḍighi mem dị nạ awạ oḅula.
4. Puru ni mem dị nyinha keḅilhẹ ekaaphạn. Torobọ amem lọ nyinha eghaaphạn emhạn, puru ni nyodị mem dị kenighẹ dị nyinha keḅilhẹ ekaaphạn. Miịn ni mọ nạ akị ni mem mọ r’esi phọ nyinha emheeraam bọ.
5. Ka/toph oḍuomolhoghi phọ anạ. Ka/nuụn aatughiạn mọ oye dị ra/gbor ghan karọl otu obobọ ra/moọgh ghan eepoogh o/mhoọgh ḍiḅeraạn. (1 Kọr. 13:4, 7) Ḅulha ghan ni aphogh oye phọ, kuolọ miịn ni mọ nạ raḍighinhom ni mem mọ anạ agey.—1 Kọr. 9:26.
