Bạl Genesis 37:23-28; 39:17-23 atuughạ alhegheri ḍighaạgh aJosef ilọ okparaghạm ekeeny ooruẹn.

Tuughạ abughẹ riisi aBaibul phọ ekoom bọ esi phọ. Eeghe kụ iḍighi kụ ozoọm bọ Josef ekarạph eten? (Gen. 37:3-11; 39:1, 6-10) Ika asiạ aJosef akparaghạm bọ ekeeny ooruẹn? (Gen. 37:2; 41:46) Mem mọ amuphẹ phọ, eeghe iyaạr kụ edị aZihova aḍighinhaan Josef, kụ eeghe iyaạr kụ edị Odị u/ḍighinhaan Josef?—Gen. 39:2, 21; w23.01 17 ¶13.

Tuughạ abughẹ ilọ esi r’esi raraạr phọ ekạr bọ emite. Ghalhamọ r’iduọn anhịr phọ aPotifạr agbaanhaạn bọ ni Josef okpẹ, aBaibul phọ o/ghaạph mọ aJosef agbạ ni ophelhọm emhụ odị. Ika kụ idị ariisi aBaibul phọ iphẹn phọ kilhoghonhaạn iyira ḍighaạgh olhegheri iyaạr phọ eḍighi bọ kụ aJosef aḅoorian bọ ḅilhẹ kẹn r’iyaạr phọ eḍighi bọ kụ yira ko/wạ bọ olhegheri oomo ipẹ emite bọ? (Prov. 20:2; Jọn 21:25; Iiḍ. 21:37) Ighẹn araagharạ kụ ilhoghonhaạn bọ ḍighaạgh Josef orue okparaghạm ekeeny ooruẹn?—Mic. 7:7; Luk 14:11; Jems 1:2, 3.

Lọgh elhegh iyaạr ituughạ phọ kụ asighẹ aḍighinhom. Puruan loor mọ:

• ‘Eghẹn ekarạph eten kụ edị awe kuzoọm imhị loor iduọn mị aḍighi bọ onyọ amatuạn aZizọs?’ (Luk 21:12, 16, 17; Hib. 10:33, 34).

• ‘Mị kaakolhobian ika orue omherenyạn ekeeny ooruẹn?’ (Ps. 62:7, 8; 105:17-19; w19.07 2-7).