Mem dị yira robạl Baibul phọ, yira kotue ni osighẹ ibadị araraạr otuughaạm owaaghiọm raraạr orue okuamhị onhaghanhạn ipẹ yira aạl bọ. Toroboiperolbọ, yira ro/tuughạ ghan loor esi dị yira rowạ obughẹ olhegheri iyaạr ayira bịn. Kuolọ yira rowạ oguphogh owạ imạ araraạr ilọ araagharạ phọ aZihova, dị kebughẹ ephomhoghiạn phọ ayira esi odị. Orue oḍighi iphẹn phọ, pọ yira otue ni opuruan loor mọ, ‘Esi aBaibul phọ ephẹn phọ itughemhị imhị eeghe ilọ aZihova?’

Esi omaạm, nạ atue ni awaaghị abughẹ reten dị aZihova maḍeenhaan ephomhoghiạn phọ odị, osụ olhoghi, elhiom ooruẹn, ḅilhẹ r’iikpọ phọ odị. Kuolọ, iphẹn phọ bịn kụ k’/araagharạ phọ aZihova. Odị amoọgh ni inhọn imạ araagharạ dị nạ katue ni atuughạ. Iḍighen kụ edị nạ kamiịn dị oghaạph obughẹ ilọ araagharạ phọ odị?

Pogh inhọn araagharạ dị repel li 50 dị edi siphẹ Watch Tower Publications Index, siphẹ emhuoghaạph phọ “Jehovah” eeḍiạn ebạm emhuoghaạph phọ “Qualities by Name.” Wạ ilọ araagharạ phọ eḅọph bọ r’esi aBaibul phọ nạ rabạl bọ. (Eḍighi maạr dị ogina aResearch Guide for Jehovah’s Witnesses bịn kụ edị nạ katue ateẹny, pọ kiạ siphẹ emhuoghaạph phọ “Jehovah God” eeḍiạn ebạm emhuoghaạph phọ “Jehovah’s Qualities.”)