Ka/mem dị yira oghị ituughạ, ookpomhoghan eghir obobọ eephugh bịn kụ edị yira rooseeny ghan aZihova, yira romoọgh ghan kẹn ni mem muọ ayira ḅilhẹ r’idiphọ eghunotu. Iphẹn iniin araraạr dị yira kotue ni ooḅeghiọn mem ituughạ ogina ayira r’isiphẹ iiseeny eghunotu phọ ayira:

• Kookolhobian ilọ ituughạ phọ. Nạ katue ni aḅarạm otuughạ asuọr phọ komoọr bọ r’olhoghonhaạn aḍighaạgh oomo abuọ eghunotu phọ anạ ookolhobian ophagharanhaạn dị bidị kongọ.

• Bạl esi aBaibul. Ipẹ reten, kụ adorọ iniin araraạr dị emite esi phọ obobọ agẹ alhọgh esi iyaạr dị nạ atuughạ.

• Bạl iiḅereghị dị ogẹ siphẹ aBaibul phọ, kụ aaḅeghiọn idị ipẹ phọ ketue elhoghonhaạn nyinhạ ḍighaạgh onhighemhị iiḅereghị phọ anạ.

• Pogh oniin avidio ookpomhoghan phọ kụ aaḅeghiọn r’abunhọn obobọ agẹ alhọgh esi ilọ avidio phọ.

• Kookolhobian oghaạph iiḅi iinhaghạn phọ, nạ atue ni aḅarạm oḍighi oḍeenhaan.

• Kiririom aphogh olhẹm mọ kụ agbirima obobọ aghaaphạn bunhọn iyaạr dị etughemhị nyinhạ ilọ aZihova. a