Ilọ Otuughạ
Omhaạr Oḍighinhom Agạ Phọ “Miịn Iyaạr Dị Eḍighi Emhoom”
Agạ phọ oghol bọ mọ “Miịn Iyaạr Dị Eḍighi Emhoom” siphẹ JW Library® r’isiphẹ jw.org reḍeenhaan ghan raraạr dị purukụ omiteom. Ika kụ idị nạ kaḍighinhom ghan gạ phọ ophọn phọ orue odaphạn ghan atorobọ iyaạr lọ omiteom?
JW Library
Romiteom ghan torobọ emhuoghaạph esi ooḅenhion ghan agạ asikoọl arumhuoghaạph phọ osighẹ bọ emhuoghaạph phọ. Mem dị aḍikoọl arumhuoghaạph emite siphẹ agạ phọ “Miịn Iyaạr Dị Eḍighi Emhoom,” nạ katue ni adanlood alọgh siphẹ afon phọ anạ ipẹ purukụ omiteom bọ. Bịn nạ marue abạl emhoom emhuoghaạph phọ emite bọ epẹ anyụ phọ, odẹ bọ eten dị edaphạn mem mọ omiteom bọ.
Eeni nạ ka/tue abạl ilọ eḍighi rinyạ idiphọ amagazin mem bịn amạn. Orue olhegheri aḍilọ nạ k/aạl omhạn, pọ lọgh siphẹ aFavorite phọ, pidị nạ aḅulha abạl amạn.
JW.ORG
Iniin araraạr idiphọ iinhaghạn r’iphelhegbeel, remite ghan jw.org bịn, re/mite aani ghan JW Library. Ka/bilhẹ ghan ogbor ghan ophogh ekpịgh phọ “Miịn Iyaạr Dị Eḍighi Emhoom” siphẹ osoph intanẹt phọ ilọ araraạr lọ purukụ omiteom.
