OTU OKORIOM (OLỌ OTUUGHẠ) May 2020
Otu okoriom mọ ophọn phọ apamanhạm rumhuoghaạph ilọ unwanyụ July 6–August 2, 2020.
“Uw-emhạ Epẹ Esiinyọm Mọ” Mem Eekunha Phọ
Emhuoghaạph ituughạ phọ 19: July 6-12, 2020. Yira omiịn ni riphigh dị eḍeenhaan mọ imiịn phọ aDaniel ilọ “uw-emhạ epẹ esiinyọm mọ” ḅilhẹ “r’uw-emhạ epẹ esoorom mọ” ekị ni ghisigh remunughan. Ika kụ idị yira kotue okuphom owol iphẹn phọ? Ḅilhẹ eeghe kụ iḍighi kụ ewạ bọ ni dị yira konaghạn torobọ ephigh ilọ imiịn phọ iphẹn phọ?
Aruw-emhạ Dị Komite Mem Eekunha Phọ
Imiịn “uw-emhạ epẹ esiinyọm mọ” ḅilhẹ “ruw-emhạ epẹ esoorom mọ” egbaạm ni inhọn imiịn kirokirọ. Ika kụ idị imiịn phọ ipẹ phọ emạ emiteom mọ eghimoghọm araraạr phọ iphẹn phọ kesi ni eekuna moọny amem?
Anhiạn Kụ “Uw-emhạ Epẹ Esiinyọm Mọ” Rodon?
Emhuoghaạph ituughạ phọ 20: July 13-19, 2020. Anhiạn kụ “uw-emhạ epẹ esiinyọm mọ” rodon, kụ ika kụ idị odị kasi bọ eekunha? Olhegheri ophagharanhaạn asipuru phọ iphẹn phọ kekparamhị omheeraam mọ ayira, eḅilhẹ ilhoghonhaạn iyira ḍighaạgh ookolhobian ilọ okaran igbiphoghọm mọ yira kosoman bọ ghisigh.
Nạ Amaghamhị Ni Maạr Inmo Phọ K’Enhaạn Ḍughụm?
Emhuoghaạph dị kotuughạ 21: July 20-26, 2020. Emhuoghaạph phọ ephẹn phọ kebughẹ osereghiạn phọ yira omhoọgh bọ oghị esi aZihova ilọ iniin inmo kirokirọ dị aZihova ungọ iyira. Keḅilhẹ kẹn iloghonhaạn iyira ḍighaạgh ogbiran ghan r’abuphẹ rookia ghan bọ mọ Enhaạn i/lo ghan.
Ḍeenhaan Mọ Nạ Asereghiạn Ni Ruphua Phọ Ipẹ Ro/miinọm Ghan Bọ Riḍien
Emhuoghaạph ituughạ phọ 22: July 27–August 2, 2020. Emhuoghaạph phọ epẹ eten bọ yira uuḅeghiọn ilọ aruphua dị romiinhọm ghan riḍien dị Enhaạn ingọ iyira. Siẹn emhuoghaạph phọ ephẹn phọ, yira kooḅeghiọn ruphua dị ro/miinọm ghan riḍien ḅilhẹ r’ipẹ yira kotue bọ oḍeenhaan mọ yira osereghiạn ni. Kụ inyu kẹn iyira okuamhị osẹph aZihova opọ ungọ bọ iyira ruphua phọ.
