Odaphạn World Health Organization (WHO), egbi k’amem mọ aCOVID phọ amhiigh bọ kụ esi May 23, 2022, 6.27 irubal awe kụ edị ezẹgh aCOVID-19 phọ mezẹ. Toroboiperolbọ, imhoom iinhaghạn dị omiteom May 5, 2022, aWorld Health Organization (WHO) phọ oḅẹm mọ awe dị momhuughu mopel li siphẹ. Bidị oḅẹm mọ emhiigh 2020 kụ esi 2021, “awe dị ezẹgh phọ obobọ iiḅaghamhị aCOVID-19 phọ ezẹ . . . romạn ni 14.9 irubal.” ABaibul phọ akaạph aani ni iyaạr dị egbolhomaam ekperenhom iiḅaghamhị phọ iphẹn phọ ḍughụm?

•   AZizọs aghaạph ni mọ “igbagarạ areezẹgh” ketọl li “mem eekuna aḅirini phọ.”—Luk 21:11, Ooḅi Oghaạph; 2 Timoti 3:1.

 Imiịn phọ aZizọs remunhughan ni rodon. Olhegheri obughẹ, bạl emhuoghaạph phọ “Eeghe Kụ Areeghe ‘Asiḍio Eekunha Phọ,’ obobọ ‘Amem Eekunha Phọ’?”

•   “Enaạn phọ eḍighi bọ zin oomo iidereghị phọ . . . ruudereghi ghan ni [iyira] esi oomo iminimiịn.”—2 Korịnt 1:3, 4.

 Adom aBaibul phọ meedereghị ni ibadị dị moroph we ephomhoghiạn abidị esi aḍuugh. Olhegheri obughẹ, bạl emhuoghaạph phọ “Eeghe Kụ Kelhoghonhaạn Nyinhạ Ḍighaạgh Odaluạn Otọ Aḍuugh Oye Ephomhoghiạn Anạ Rodon” r’emhuoghaạph phọ “Olhoghonhaạn Aḍighaạgh Dị Anhighẹ Apelheghiom Olọ Awe Dị Odi Otọ Aḍuugh Oye.”

• “Omạr phọ anạ aru ni! Oḍighi aani ipẹ nạ rawạ bọ siẹn ade phọ, idiphọ roḍighi bọ k’akẹ phọ!”—Matiu 6:10.

Moọny amem “Omạr phọ k’Enaạn” kaḍighi ni idị “oye ka/ḅẹm ghan mun mọ: ‘Mị u/moon.’” (Mạk 1:14, 15; Isaiah 33:24) Pogh vidio phọ Omhạr Phọ K’Enhaạn P’eeghe? olhegheri iyaạr dị itooghị phọ iphẹn edi bọ k’akẹ remạ ghan r’iyaạr dị keḍighi.

Yoor rolhọm ni nyinhạ olhegheri obughẹ araraạr dị aBaibul phọ aghaạph, pidị nạ r’eghunotu anạ omooghọm aani suọ oromha osụ-olhoghi phọ r’aruguanhaan iidereghị phọ.