Siẹn oomo aḅirinhi phọ, ibadị awe osoman ni iiḅaghamhị dị amuụm aḍigho dị aphueghị iboom araraạr akọm. Lọgh elhegh iinhaghạn phọ iphẹn omiteom bọ:

•   “Siḍughul otu phọ iphẹn eten bọ, olophiạ dị alhọph ekpanhạ emhạ aChina k”olọph ghan esi 140 asiạ epẹ omhạn. Emhiigh Satodee kụ esi Wenesdee olophiạ dị alhọph emhạ phọ asi ni . . . 744.8 millimeters (29.3 inches).”—AP News, August 2, 2023.

•   “Toosdee phọ kụ omhunhenhiom iyạl aḍio dị oghim mọ Khanun akọm oboom olophiạ r’ogbagarạ oghim epẹ esoorom mọ aJapan, kụ eghom ephughạn pọ iyạl awe momhugh bọ. . . . Ogbiighi bọ, omiịn mọ oghim mọ ophọn phọ kasighẹ ni atu oboom olophiạ dị kakọm ḍigho dị kemạn ni 0.6 meters (2 feet) epẹ araaḅarạph phọ acentral Taiwan.”—Deutsche Welle, August 3, 2023.

•   “Oboom olophiạ dị k”olọph ghan esi 50 asiạ alhọph ni epẹ Nova Scotia kụ akọm ni muụm aḍigho eekunha awiki phọ epẹ Atlantic Canada.”—BBC News, July 24, 2023.

 ABaibul phọ akaạph aani ikạ ilọ idọ araraạr phọ iphẹn phọ?

 Yira odi mem dị aBaibul phọ aghol mọ asiḍio “aruukuna phọ.” (2 Timoti 3:1) AZizọs aḅẹm mọ mem mọ ayira, yira komiịn ni raraạr “aruugu,” obobọ raraạr dị kekọm oghiilaan. (Luk 21:11) Onmeeghian Okuaḍio phọ makọm idị araraạr oboom oghiilaan idiphọ amuụm aḍigho regbor ghan kemite mem dị u/seere olhoghi kụ mekọm muboom amuphe.

 ABaibul phọ aḍeenhaan mọ ibadị araraạr oghiilaan phọ remiteghu bọ ingọ iyira iyaạr otuạn oḍuom olhoghi. Eeghe kụ iḍighi? AZizọs aḅẹm mọ: “Mem dị nyina emiịn dị iphẹn phọ remiteghu, nyina kelegheri ni mọ Omạr phọ k’Enaạn makpulạn.”—Luk 21:31; Matiu 24:3.

 Araraạr phọ yira omhiịn bọ remiteghu bọ rodon, eḍeenhaan mọ moọny amem Omhạr phọ k’Enhaạn kapamaghạn oomo araraạr siẹn ade phọ eḅaramaạm bọ ni ipẹ amuụm ratelhe ghan bọ.—Job 36:27, 28; Psalm 107:29.

 Olhegheri obughẹ ipẹ Omhạr phọ k’Enhaạn kaselhemhi bọ de phọ, miịn emhuoghaạph phọ “Anhiạn Kụ Kapẹl Bọ De Phọ?”