Lhạ 2022 phọ, ikpoki dị areelhe aḅirinhi phọ olhọgh ogho r’omhaạr ophạm araraạr eghạm mepel li 2 oonịr eelạ adolạ, eeni iphẹn phọ imite loor iduọn aRussia ozuom bọ eghạm Ukraine. Iinhaghạn dị Stockholm International Peace Research Institute (SIPRI) ongọ unwanyụ April 2023 iḅẹm mọ lhạ 2022 phọ:

•   Kụ amem dị Europe “molheom ghan ikpoki dị ebụgh iboom ogho r’omhaạr ophạm araraạr eghạm egbi kamem mọ osiemhi bọ eekunha Soviet Union, lhạ phọ 1991.”

•   “Russia…mobughẹ ikpoki phọ bidị roleom bọ ogho r’oḅilhẹ omhaạr ophạm araraạr eghạm dị tutụ moḍighi omhunhenhiom iraạr eelhe dị roleom ghan ikpoki iboom siẹn oomo aḅirinhi phọ.”

•   United States kụ eelhe dị roleom ghan ikpoki dị “epelhom ilọ abunhọn ogho r’omhaạr ophạm araraạr eghạm.”

 “Oniin oye dị oghol mọ Dr. Nan Tian dị agẹ aani iinhaghạn phọ SIPRI ongọ bọ aḅẹm mọ “iduọn aḅirinhi phọ roleom ghan bọ iboom ikpoki ogho r’omhaạr ophạm araraạr eghạm eten dị ke/rọl ghan eḍeenhaan mọ aḅirinhi phọ akiọm ghisigh raloghorị ghan bịn.

 ABaibul phọ aghaạph ni mọ areelhe phọ iphẹn omhoọgh bọ iboom iikpọ komoọgh ghan ni iiḅaghamhị igbo abidị, kụ aḅilhẹ kẹn ni aḍeenhaan oginha iyaạr dị kesighẹ eephọ etu.

•   ABaibul phọ akol mem mọ yira odi bọ mọ “amem aruukunha phọ.”—Daniel 8:19.

•   Aḍinyạ aDaniel meghaạph ni mọ mem mọ amuẹn phọ, areelhe dị omhoọgh iikpọ koopikian ghan ni oḍeenhaan oye dị amhoọgh iikpọ apu. Areelhe phọ iphẹn emhoọgh bọ iboom iikpọ “konyuughian ghan ni,” obobọ omirighan ghan oye dị kamoọgh iikpọ apu. Inyuughian phọ iphẹn phọ keḍighi ni idị kotoph ghan iboom “aruphua,” obobọ oleom iboom ikpoki.—Daniel 11:40, 42, 43.

 Olhegheri obugẹ ilọ imiịn aBaibul phọ iphẹn phọ pọ pogh vidio phọ, Imiịn Dị Memunhughan—Daniel Emhuoghaạph 11.

•   ABaibul phọ aḅẹm mọ Enhaạn kasiemhi ni eekunha itooghị omhạr awe. Odị “kapighi ni itooghị dị ko/piemhi. Kụ itooghị phọ ko/ḅọgh ongọ bunhọn awe. K’eegbị kụ esiemhi eekunha oomo itooghị phọ iphẹn, kụ oginha itooghị phọ odị kụ ketọl k’agee-pọ.”—Daniel 2:44.

•   Moọny amem aZihova a Enhaạn phọ kasighẹ ni atu eephọ dị ke/si eekunha, ephẹn phọ iyaạr dị omhạr awe ko/tue ni bịn oḍighi. Ika? Itooghị Omhạr phọ odị kepiemhi ni torobọ eenemạ, kụ eḅilhẹ esiemhi eekunha iigamhanhiạn.—Psalm 46:8, 9.

 Otuughạ obughẹ araraạr dị Omhạr phọ Enhaạn kaḍighi, bạl emhuoghaạph phọ “Under God’s Kingdom ‘Peace Will Abound.’”