Monday, February 6, 2023, ophiigha ade dị akọm muboom amuphe amite ni epẹ Turkey r’aSyria.

•   “Monday phọ, oboom ophiigha ade azẹ ni we dị opel li 3,700 epẹ Turkey ḅilhẹ northwest Syria. Iphẹn phọ imite mem dị aḍio ekạr reephoọm bịn eḍighi idị araraạr elhoghorinhaạn simuunịr awe dị oḍighima yogh raraạr obobọ oroph raraạr emhoọgh abidị. Iḅilhẹ kẹn ni eḍighi idị ekpạr owạ awe dị oḍighima yogh raraạr.”—Reuters, February 6, 2023.

 Olhoghi ayira ra/ḅaạl ghan onhaghạn idọ iiḅaghamhị phọ iphẹn phọ. Idọ asimem mọ iphẹn phọ, yira kotue ni oḍuomolhoghi olhoghonhaạn aḍighaạgh aZihova, “Enaạn phọ eḍighi bọ zin oomo iidereghị.” (2 Korịnt 1:3) Odị rulhoghonhaạn ghan iyira ḍighaạgh okparạm dị eego esi “oghaạph aḍinyạ iigbia phọ rungọ ghan bọ iyira . . . oḍuom ologhi.”—Rom 15:4.

 Siphẹ aBaibul phọ kụ edị yira olhegheri:

•   Imiịn dị eghaạph ilọ ophiigha aside.

•   Esi dị yira kotue omiịn iidereghị ḅilhẹ r’oḍuomolhoghi.

•   Ipẹ Enhaạn kasiemhi bọ eekunha oomo imhinhimhiịn.

 Omhiịn ipẹ aBaibul phọ aghaạph bọ ilọ arumhuoghaạph phọ iphẹn phọ, bạl rumhuoghaạph phọ:

•   “Great Earthquakes—What Did the Bible Prophesy?”

•   “Where Can I Find Hope?”

•   “God Will Soon End All Suffering”