1. Awe mophuẹ ḍien ph’Enhaạn,

kụ‿odị rawạ ni‿oḅaalhamhị.

Kuolọ‿oghiil atum oghiil,

odị raḍeenhaan ni‿okparạm.

Rawạ m’awe‿olhegheri

m’onọ‿Enhaạn ephomhoghiạn.

Rawạ m’oomo‿awe‿oghelhọm

kugey aghuḍum mọ.

Pọ kụ‿iyaạr phọ k’aḍio phọ

odị‿akparạm bọ ni rakiọm.

Kụ‿awe moru rotuughạ

ilọ‿odị, korọl ḍimạ‿adọl.

2. Okparạm odimhom ni

siphẹ‿eemhumha‿uwaloor ph’Enhaạn.

Raganhanhamhị ghan ni

imạ‿araagharạ‿abumor phọ.

Kụ siẹn igbo ph’ayira,

ramiteom ghan ni muḅọph.

Rangọ ghan eephọ‿olhoghi

oye lọ‿aḍeenhaạn ghan.

Raloghonhaạn ghan ḍighaạgh

okpor ogbolhẹ‿ofughughuuny.

Olhọm ni‿uwaloor ph’Enhaạn,

bịn yira komoọgh ni‿okparạm.