Torobọ oye rakururu ghan ni mem emhạn mem. Olhoghoma okururu re/mạ ghan mọ oye phọ adugh eten aruwaloor. Ghalhamọ r’aZihova bịn aḍeenhaan ni m’onọ raloghoma aani ghan ni okururu eeni amem. (Ge 6:5, 6) Kokaạph ika eḍighi maạr dị yira rogbor ghan koḅonyonhu ozuan loor esi okururu?

Ḅeeḅereghị alhọm olhoghonhaạn aḍighaạgh aZihova. AZihova ramoọgh ghan ni ogbolhomaam esi ipẹ yira rologhoma ghan bọ. Odị alegheri ni mem dị olhoghi ayira aḅaạl r’amem dị yira okururu. Odị anaghanhạn kẹn ni iyaạr phọ eḍighi bọ kụ yira rologhoma ghan bọ eten phọ epẹ phọ. (Ps 7:9b) Idị emhạn maạr epelhom, aZihova ruphogh ghan ni iyira ḅilhẹ rulhoghonhaạn ghan kẹn ni iyira ḍighaạgh orue okaran adọl okururu ḅilhẹ r’abeeph olhoghi.—Ps 34:18.

Koph iitughiạn phọ anạ. Mem dị iyaạr riiḅaghamhị iyira retir ghan ni oḅaạl olhoghi phọ ayira ḅilhẹ kẹn r’iiseeny phọ yira rongọ ghan bọ aZihova. Pọ kụ iyaạr phọ emhạn bọ maạr oghoph ekpom mọ ayira—okạr oye phọ yira oru bọ epẹ olhoghi phọ.—Pr 4:23.

IPOGH VIDIO PHỌ IPẸ ABUMOR PHỌ AYIRA ROKELHỌM BỌ EEPHỌ ETIGHERI BEEPH OLHOGHI, KỤ EPHANYANHAẠN SIPURU PHỌ EDAPHẠN BỌ SIẸN:

• Ighẹn araraạr kụ edị aNikki aḍighi olhoghonhaạn aloor phọ odị ḍighaạgh ophamaghạn abeeph olhoghi?

  Ophagharanhaạn phọ anạ

• Uḍighi ika kụ aNikki alhoghoma bọ mọ enighẹ ni oghị omhiịn oyil arookonhom?—Mat 9:12

  Ophagharanhaạn phọ anạ

• Ighẹn areten kụ edị aNikki abeḍenhọm olhoghonhaạn aḍighaạgh aZihova?

  Ophagharanhaạn phọ anạ