Ibadị awe u/ḍuom mun olhoghi we phọ abuẹn odi bọ iikpọ itooghị. Kụ ilọ okpalhạm abidị i/lo. K’epẹ omhạn ni kụ edị awe omhiigh oḍighinhom iikpọ phọ abidị ekarạph eten owaạm asuọ abidị. (Mic 7:3) P’eeghe idị yira rosereghiạn ikumor awe arookpomhoghan phọ ayira otughemhị bọ osighẹ aroopoogh phọ abidị oḍighinhom ilọ imạ awe phọ aZihova.—Es 10:3; Mat 20:25, 26.

Dị u/kịgh buphẹ ophạm bọ iikpọ siẹn aḅirinhi phọ, ikumor awe phọ rosianhaan ghan ophạm aroopoogh arukumuan loor esi ephomhoghiạn aZihova r’awe phọ odị. (Jọn 21:16; 1Pit 5:1-3) Eeḍiạn iiḅakiọm aZizọs, abupoghom mọ abuẹn phọ rologhonhaạn ghan ḍighaạgh torobọ okaaphọm olhoghoma mọ bidị oḍighi aani ni pakirị eghunotu phọ aZihova rooseeny bọ nyodị, kụ rowạ kẹn ni mọ bidị oḍuraan ogbị nyodị. Bidị roogboronhom ghan okparamhị iyool phọ aZihova kụ oḅilhẹ r’ologhonhaạn ghan kẹn ḍighaạgh mem dị e/moon esuom oye obobọ ekperenhom iiḅaghamhị emite. Eru maạr dị nạ rawạ olhoghonhaạn aḍighaạgh, pọ kiạ ni ateẹny okumor oye ookpomhoghan anyinha aḅenhị.—Jems 5:13.

IPOGH VIDIO PHỌ ABUPOGHOM DỊ OMHAẠR ROPOGH IYOOL PHỌ, KỤ EPHANYANHAẠN SIPURU PHỌ EDAPHẠN BỌ SIẸN:

• Ika kụ idị umaranhi phọ Mariana amhooghọm suọ olhoghonhaạn aḍighaạgh ikumor awe phọ?

  Ophagharanhaạn phọ anạ

• Ika kụ idị umor phọ Elias amhooghọm suọ olhoghonhaạn aḍighaạgh ikumor awe phọ?

  Ophagharanhaạn phọ anạ

• Ika kụ idị areḍeenhaan phọ iphẹn phọ etir eten phọ nạ rapogh ghan bọ iiḍighi ikumor awe phọ?

  Ophagharanhaạn phọ anạ