Nal tabusing na e wala mahiy?— * Surah Rieling homi mia, tabusing ba kulkang mu hadoa. Hana he ”tabusing rieling”. Asing mia ama wala hiyeng na, hediwuhe ama wofang tabusing. Ya, hedi Rieling nalawuhe tabusing hedi mu Allah he heiyeri. Malaikat wei dei domaha, tabusing hedi de faring hiyeng. Na ridi bay ri romaha ri hiyeng?—

Ruli asing heimia, la ahola Allah de ama neng ya ama mol paneni. Hana he Adam ya Hawa. Heyera ba kul masena Allah de mi heri, hana he Taman Eden. Asing mia Adam ya Hawa de Allah heluk, dedi ya dewil deratawala wei de buku opi paneng ba de firdaus ba masena taman hedi wuda. Ya, dekul hedi mibirang nahani. Haba, nala he Adam ya Hawa de paneni?—

Adam ya Hawa de wala Allah heluk na. Hediwuhe yala pi wala Firdaus mibirang na. Haba, Allah dewofang heminukumia buku opi de paneng ba kul masena, ya amakang dotafuda de rama amoni ba hei mibirang mihalor. Allah delateiur paneng? Tung dowat leng dolal, he wohawai ama wala hiyeng na. Hedi dara nal tabusing.

Leng ba Yesus de buku taha misiye, tabusing hedi de amakang faring wohokafang. Dewofang, Kerajaan Allah-he buku opi hamo hawai ba Firdaus masena. Hediwuhe Yesus dewofang, Kerajaan hedi pi wo doa ba de abeta siye.

Nal tabusing opi e hiyeng na omi mikang mihamol?— Haba woamunang, ama ba Allah heluk he Firdaus hedi mibirang. Ama ba Allah heluk Surah Rieling homi mia de faring wobesar. He falaka e hiyeng omaha rena?— Mie wotahai, ko ma-ma ya pi lateiur hei woreya.