PELAJARAN 6
Funa Daud Dewal Hiyeng Na
Ri funa nala he ko ri mipaneng?
Daud dara meka, heya hema dong Yehuwa mihiyena hei wohadasakolah diy. Hare, nal beka ba Daud de hadatareu de wal mifuna diy na. De hiyeng Yehuwa mu kul he mokeni kang, hare Yehuwa dekul homong. Heminukumia, Daud de lumfa wei wofikang, singa lea nuku siye he lumfa take ya bang takiy! Ri hiyeng nala he Daud de mipaneni? De singa hedi hesiyeri, datang taka de puna faheni! Wai heminukumia beruang nuku dewai Daud he lumfa hapuni, haba beruang hedi bay Daud dewai faheni! E wotanut nalawuhete Daud dela kira he matorang?
He uiyharena, Daud dewai matorang miy wotiyeng diy. Leng hedimia ama Israel wei de ama Filistin wei hada yenang. Prajurit nuku Filistin he ama ba hewaka kul lea lohi, ama rumai baharing! Hana he Goliat. Ama lea lohi hedi, de prajurit Israel wei mihosesei ya Yehuwa hebeka wofang. Goliat bay de prajurit Israel wei hada natea. Haba, ama Israel wala matorang ba hohawai na. Hedimia Daud de mahiy, de Goliat wohokafang, ’Ne ada natea! Yehuwa dekul nomong ya de wala riy mi iy na! E wotanut, paneng ba heiwuda mu matorang rena?
Daud de kartapel ya wiy bikati buka yeting ba rula hepaniy. Ya de ama lea lohi mihadap. Goliat de Daud mihosesei, e dara abeti kiding. Haba Daud dewofang, ’E toda puna nada yenang, haba nedi Yehuwa hana he ne puna!’ Wiy de mi
Daud hei pi lateiur wosakolah?