PELAJARAN 9
Yehuwa Heiwobesar Yeremia Dewala Wodarang Na
Falaka ba Yehuwa hei pi wobesar, mani ama doaiy. Ama miposesei ya pi kilikil. Heiopi de paneng pi funa ya Yehuwa hei pi wala wobesar na. Na riy bay ri heiwuda diy?
Hedimia Yeremia dara abeti, Yehuwa de Yeremia habot ama ba beka mipaneng wei wohokafang ba de wodarang. Yeremia de wotanut heiopi mu beka. Ya, Yeremia homi wala matorang ba mipaneng na. De Yehuwa wohokafang, ’Nala he ne wohokafang nahani ne wala hiyeng na. Ne dara la tukai abeti’.
Haba Yehuwa de wohawai, ’Funa na. Ne omong.’Hare, hedimia Yeremia de ama wohokafang, de wala mi damohawai na Allah de hamong nahani. E wotanut, ama hei wei de Yeremia hamau buka haluol rena?
Hedosama, ama tahupang wei de Yeremia hei miy iya nabuk ba bakong miwati. Iya, ya siyeng ma bay ama wala her na. Ama heiwei domaha Yeremia nabuk mia ba domong. Haba, Yehuwa de homong ba dobirang diy!
Yeremia he falaka hei ri lateiur wosakolah?