Ridi riya rima ri heluk iti rena?— Mani fikang heluk mu beka. Ri hiyeng rena Yesus mu de Yehuwa ya de fikang heluk iti?— Falaka ba Yesus hei ri mihalal, ri fikang ri kul heluk iti te, haba hedi kul beka. Yala he falaka mihehalal.

Yesus de dara buku opi tau birang na dema Yehuwa dilia mara surga mibirang. De sei buku opi tau birang, hefikang hadoa. Hana he, Yusuf ya Maria. De lateiur Yesus he fikang?—

Yesus la ahola de surga mibirang, haba Yehuwa de miy Maria he fah mihatani. Heiwuhe, Yesus hamani ba buku taha mibirang. Yehuwa he donakala, Yesus heiur paneng kang! Hewohaluol Yesus Maria hatok homi mia nglea, hedosama wil meka ba heya hatok homi mia ba lea. Uwa yeting buti mihapieti Yesus hamani. He falaka mu, heiwuda wuhe, Yesus mu Maria ya Yusuf hewil.

Yesus homi kul dema Yehuwa mihiyena. Hetung 12, dema mihiyena de wotiyeng diy. Hedimia, Yesus ya hetofa homi mia wei dokari Yerusalem ya ba Paskah haluol. Lela mu kul buokal. Hedimia, Yusuf ya Maria de lela lohi haluol ba doya nahani, demi domahia Yesus wala dokari na. E wotanut, Yesus ya teimia?—

Yusuf ya Maria wai abeta-abeta dawai Yerusalem ya ba Yesus tahai. Homi wosei nahani, Yesus de dara hiyeng na. Haba, leng sua mihapieti Yesus de hiyeni yoti. Yesus de bait mia! Nala he Yesus deya hei mipaneng?— Dema Yehuwa hei de ya hei mi wosakolah. Homi kul Yehuwa mihiyena, ya de domaha de wotahai de lateiur dema homi hado kang. Ya, dong lea bay leng kopang dekul Yehuwa heluk. Yesus de bekatafiela homi mia bay dekul Yehuwa heluk. Yusuf ya Maria bay Yesus de heluk rena?— Rofi, Surah Rieling dewofang deya dema de heluk.

Yesus hei ri lateiur woreya?— Heiopi mu ri mipaneng beka, haba riya rima mu ri kul heluk te. Hare, romaha riya rima ri heluk rena?—